Manuel Tuñón de Lara

Manuel Tuñón de Lara
Irudi gehiago
Bizitza
Jaiotza	Madril, 1915eko irailaren 8a
Herrialdea	Espainia
Heriotza	Leioa, 1997ko urtarrilaren 25a (81 urte)
Familia
Seme-alabak	ikusi José Manuel Tunon de Lara ^(en)
Hezkuntza
Heziketa	Madrilgo Complutense Unibertsitatea École pratique des hautes études
Doktorego ikaslea(k)	Alberto Reig Tapia
Hizkuntzak	frantsesa gaztelania
Jarduerak
Jarduerak	historialaria eta unibertsitateko irakaslea
Enplegatzailea(k)	Paueko eta Aturrialdeko Unibertsitatea Balear Uharteetako Unibertsitatea Euskal Herriko Unibertsitatea
Jasotako sariak	ikusi Alfontso X.a Jakitunaren Ordenako Gurutze Handia  (1996) honorary doctor of the University of Zaragoza  (1983) honorary doctorate of the University of the Balearic Islands honorary doctorate of the Bordeaux Montaigne University  (1984)

Manuel Tuñón de Lara (Madril, Espainia, 1915eko irailaren 8a - Leioa, Bizkaia, 1997ko urtarrilaren 25a) espainiar historialaria izan zen. Espainiako historiografiaren berritzaile nagusietako bat izan zen.

Biografia

Zuzenbide-ikasketak egin zituen, Madrilen. 1932an Gazteria Komunistako kide egin zen, eta alderdiko buruzagitzan izan zen 1934tik 1936ra, Espainiako lehen ikasle-sindikatu komunistako lehendakari izateaz gainera. Espainiako Gerra Zibila amaitu zenean, kontzentrazio-esparru batean atxilotu zuten. 1946an Parisa erbesteratu zen. Parisen, lan egiteaz gainera, zuzenbide eta historiako ikasketak sakondu zituen. Harrezkero, ikaskuntzan eta irakaskuntzan murgildu zen, politika alde batera utzita.

Historiako eskolak eman zituen Paueko Unibertsitatean (1970), eta Espainiako Historia Garaikideari buruzko hizketaldiak antolatu zituen. Hizketaldi haiek (1980 arte beraren zuzendaritzapean antolatuak) garrantzi handikoak izan ziren Espainiako historiaren azterketan sakontzeko, Espainiako eta Europako historialari askok parte hartu baitzuten bertan. Franco hil baino urte batzuk lehenago itzuli zen Espainiara.

Hurrengo urteetan irakaskuntzan aritu zen, Hispaniako Ikerkuntza Zentroko zuzendaritza eta Paue eta Bordeleko Unibertsitateetan Espainiako Historia Garaikideko Dokumentazio Zentroko zuzendaritza bere gain izateaz gainera. Madrilen, Segovian, Cuencan eta Euskal Herrian eman zituen eskolak.

Obra

Bere lanetan aipagarria da gertaera sozialak eta ekonomikoak gertaera politikoekin lotzeko egindako ahalegina, garrantzi handikoa geratu zena historiografia diziplina zientifikotzat hartzeko orduan. Sari eta aipamen ugari jaso zituen. Besteak beste, Euskal Herriko Unibertsitateko honoris causa doktore izendatu zuten, Julio Caro Barojarekin batera.

• Espagne (1955) (Espainia).
• From Incas to Indios (1956) (Inkengandik indiarretara).
• La España del siglo XIX (1808-1914) (1961) (XIX. mendeko Espainia).
• El movimiento obrero en la historia de España (1962) (Langile higikundea Espainiaren historian).
• Variaciones del nivel de vida en España (1965).
• Introducción a la historia del movimiento obrero (1965).
• La España del siglo XX (1966) (XX. mendeko Espainia).
• Introducció a la historia del moviment obrer (1966).
• Antonio Machado, poeta del pueblo (1967) ("Antonio Machado, herriko poeta").
• Medio siglo de cultura española (1970).
• Estudios sobre el siglo XIX español (1971).
• Metodología de la Historia social de España (1973).
• Historia y realidad del poder (1973).
• La España del siglo XIX (1974).
• La Segunda República (1976) (Bigarren Errepublika).
• Luchas obreras y campesinas en la Andalucía del siglo XX: Jaén (1917-1920): Sevilla (1930-1932) (1978).
• España bajo la dictadura franquista (1980) (Espainia Francoren diktadurapean).
• Tres claves para la Segunda República (1985).
• Historia de España (zuzendari) (1988) (Espainiako Historia).
• Comunicación y cultura durante la II República y la Guerra Civil (1990).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo loturak

• (Gaztelaniaz) (Frantsesez): Bulletin d'histoire contemporaine de l'Espagne Manuel Tuñon de Larari eskainita.