Mariano Barbacid

Mariano Barbacid
(2012) Irudi gehiago
Bizitza
Jaiotzako izen-deiturak	Mariano Barbacid Montalbán
Jaiotza	Madril, 1949ko urriaren 4a (75 urte)
Herrialdea	Espainia
Bizilekua	Madril
Familia
Ezkontidea(k)	Mónica López Barahona ^(en)
Hezkuntza
Heziketa	Madrilgo Complutense Unibertsitatea
Hizkuntzak	gaztelania
Ikaslea(k)	ikusi Alberto Jiménez Schuhmacher ^(en)
Jarduerak
Jarduerak	biologoa
Enplegatzailea(k)	National Center for Oncological Research ^(en)
Jasotako sariak	ikusi Medalla de Honor al Fomento de la Invención  (1995) Echegaray domina  (2018) Order of the Second of May  (2011) Spanish National Team of Science  (2016) Fellow of the AACR Academy  (2014) EMBO Membership National Research Prize Santiago Ramon y Cajal  (2022)
Kidetza	Academia Europaea ^(en) European Molecular Biology Organization ^(en) Ameriketako Estatu Batuetako Zientzien Akademia Nazionala

Mariano Barbacid Montalbán (Madril, Espainia, 1949ko urriaren 4a) espainiar biokimikaria da. Minbizia sortzen duten geneen ikerkuntzaren aitzindaria da.

1974an Zientzia Kimikoen doktoregoa egin zuen Madrilgo Unibertsitate Complutensean, eta bekadun joan zen Estatu Batuetara. Minbiziaren jatorria ikertzen zuen zientzialari talde bat zuzendu zuen Bethesdako Minbiziaren Institutu Nazionalean, Marylanden. 1979an bere lan taldea eratu zuen institutu horretako Biologia Laborategian, eta hiru urte geroago onkogene zelular bat identifikatu zuten giza tumore batean (ordu arte erretrobirusetan baino ez ziren identifikatzen).

Ingeniaritza zientifikoaren bidez, gaitzik gabeko zeluletan minbizia sor dezaketen geneak bakartu eta identifikatu zituen. Aurkikuntza horrek berebiziko garrantzia izan zuen minbizia eta Alzheimerren zein Parkinsonen gaixotasunak sendatzeko. Sari ugari jaso ditu, eta 1994an Menéndez Pelayo Nazioarteko Unibertsitateak Honoris Causa doktore izendatu zuen. 1998ko martxoan Ikerketa Onkologikoen Zentro Nazionala sortzeko proiektua aurkeztu zuen Madrilen. Estatu Batuetako zenbait erakunde ospetsutan lanean jardun ondoren, Barbacid Espainiara itzuli da ikerkuntza-etxe hori zuzentzeko.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-08-30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.