Mestis

Mestis
Berezko izena	Mestaruussarja
Herrialdea	Finlandia
Antolatzailea	Izotz-hockey Federazioa
Sorrera	2000
Talde kopurua	12
	Webgune ofiziala (Finlandieraz)

Mestis Finlandiako bigarren mailako izotz-hockey txapelketa da, SM-liigaren ondoko maila. 2000. urtean sortu zen, amateurren ligatzat jotzen zen I-divisioonaren ordez; izan ere, 2000. urtean SM-liigan jaitsiera eta igoeren egitura ezabatzea erabaki zuten, eta ondorioz, bigarren mailari itsura berria ematea proposatu zuten. Honela, igoerak ezabatu ziren eta jaitsierak bakarrik onartu.

Nahiz eta 2000. urtetik formatua aldatua egon, aldaketak egon dira Mestis jokatzen duten taldeetan; esaterako, KalPa taldeak 2005. urtean SM-liigara igotzea lortu zuen meritu propioengatik.

Egitura

Mestis bi zati ezberdinetan banatzen da; Denboraldi erregularra eta Play-Offak.

Denboraldi erregularra

Liga iraila erdialdetik martxoraino irauten du eta hamabi taldeek parte hartzen dute. Talde bakoitzak 45 partidu jokatzen ditu, liga osatzen duten gainontzeko taldeen aurkako 44 eta inguruko hiriko taldearen aurkako 1. Partidu bakoitzak 20 minutuko hiru zati ditu, guztira 60 minutu, eta puntuak lortzeko irabazi beharra dago. Partidua berdinketan amaitzen bada, 5 minutuko luzapena egoten da, eta hau ere berdinketan amaitzen bada, partidua penaltietan erabakiko da. Puntuaketa sistema berezia dago: partida lehenengo 60 minutuetan irabaziz gero, hiru puntu lortzen dira; luzapenean irabaziz gero, bi; eta penaltietan irabazten bada aldiz, puntu bakarra.

Ligako sailkapenak jaitsierak baldintzatzen ditu, eta azkeneko bi postuetan gelditzen diren taldeak hirugarren mailako lehenengo bi sailkatuen aurka kanporaketak jokatzen dituzte.

Play-Offak

Denboraldi erregularra amaitzen denean, sailkapeneko zortzi talde onenak Play-Offeko final-laurdenetara igarotzen dira zuzenean.

2007-08 denboralditik aitzin, kanporaketa guztiak zazpi partidutara jokatzen dira eta Denboraldi Erregularreko sailkapenean lortutako postuaren arabera kokatzen dira taldeak kanporaketa taulan; hau da, sailkapeneko buruak beti azkenengoaren aurka jokatzen dute lehenengo kanporaketan ^[1].

Mestis osatzen duten taldeen kokalekua Finlandiako mapan

Kanporaketak hilabete bat irauten du gutxi gorabehera, martxotik apirilera eta ezberdintasun bakarra partidua berdinketan amaitzen denean agertzen da; izan ere, luzapenak 20 minutukoak dira eta gola markatzen duen lehenak irabazten du partidua.

Taldeak

Armarria	Taldea	Hiria	Izotz-zelaia	Edukiera	Managerra	07/08
	D Team	Jyväskylä	Synergia-areena	4.180	Jukka Ahvenjärvi	SS
	HeKi	Heinola	Versowood Areena	2.975	Kari Eloranta	10.
	Hokki	Kajaani	Kajaanin jäähalli	1.591	Timo Meriläinen	2.
	Jokipojat	Joensuu	Mehtimäen jäähalli	5.040	Jarno Pikkarainen	7.
	Jukurit	Mikkeli	Kalevankankaan jäähalli	4.500	Pekka Lipiäinen	3.
	K-Vantaa	Vantaa	Valtti Areena	3.700	Harri Ahola	9.
	LeKi	Lempäälä	Xerox-areena	900	Sami Hirvonen	5.
	KooKoo	Kouvola	Kouvolan jäähalli	6.000	Vladimir Kolek	4.
	SaPKo	Savonlinna	Talvisalon jäähalli	2.833	Pekka Tirkkonen	8.
	Sport	Vaasa	Vaasa Areena	4.600	Juhani Tamminen	6.
	Titaanit	Kotka	Kotkan jäähalli	1.958	Jari Blomberg	12.
	TuTo	Turku	Kupittaan jäähalli	3.000	Petri Niukkanen	1.

Irabazleen sailkapena

Urrezko domina irabazi dutenen sailkapena:

• Jukurit: 3 txapelketa
• KalPa: 2 txapelketa
• Hokki: txapelketa 1
• TuTo: txapelketa 1

Ikus, gainera

• SM-liiga

Kanpo estekak

(Finlandieraz) Finlandiako Izotz-hockey Federazioa

Erreferentziak

1. Mestis