Michel Richard de Lalande

Michel Richard de Lalande
Irudi gehiago
Bizitza
Jaiotza	Paris, 1657ko abenduaren 15a
Herrialdea	Frantzia
Heriotza	Versailles, 1726ko ekainaren 18a (68 urte)
Hezkuntza
Hizkuntzak	frantsesa
Jarduerak
Jarduerak	musikagilea, organista eta klabezin-jotzailea
Jasotako sariak	ikusi Order of Saint Michael
Genero artistikoa	musika klasikoa musika barrokoa
Musika instrumentua	organoa Klabizenbaloa

Michel Richard de Lalande edo Michel Richard Delalande (Paris, Frantzia, 1657ko abenduaren 15a - Versailles, Frantzia, 1726ko ekainaren 18a) frantses organista, klabe-jotzaile ezaguna eta musikagilea izan zen.

Biografia

Organista izan zen Parisko eliza askotan, eta Versaillesko kaperako musikagile izendatu zuten. Luis XIV.aren garaiko musikagilerik ospetsuena izan zen.

Musika profanoaren alorrean balletak eta divertimento izenekoak idatzi zituen. Aipagarriak dira, besteak beste: "Gaztaroko balleta" (1686) eta "Erregeren afaritarako sinfoniak" (1703). Elizarako musikan moteteak dira batez ere aipagarriak: Te Deum (1684); De profundis (1689); Magnificat (1681); Beatus vir (1692); Quam dilecta (1706); Usquequo Domine (1692); Nisi Dominus (1704); Exaltabo te Domine (1704); Quare fremuerunt gentes (1706), besteak beste. Motete kontzertante handi bat ere idatzi zuen 100 ahotsentzat, bakarlari-zatiekin batera, errezitatuak, ariak, bikoteak, hirukoteak, laukoteak eta bost ahotsentzako koruak dituena.

Erreferentziak

Wikimedia Commonsen badira fitxategi gehiago, gai hau dutenak: Michel Richard de Lalande

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.