Patrice Lagisquet
| Patrice Lagisquet | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bizitza | |||||||||||||||||||||||||||||||||||
| Jaiotza | Arcachon, 1962ko irailaren 4a (62 urte) | ||||||||||||||||||||||||||||||||||
| Herrialdea |  Frantzia | ||||||||||||||||||||||||||||||||||
| Hezkuntza | |||||||||||||||||||||||||||||||||||
| Hizkuntzak | frantsesa | ||||||||||||||||||||||||||||||||||
| Jarduerak | |||||||||||||||||||||||||||||||||||
| Jarduerak | hamabosteko errugbilaria | ||||||||||||||||||||||||||||||||||
| |||||||||||||||||||||||||||||||||||
| Posizio edo espezialitatea | hegalekoa | ||||||||||||||||||||||||||||||||||
| Pisua | 82 kilogramo | ||||||||||||||||||||||||||||||||||
| Altuera | 183 zentimetro | ||||||||||||||||||||||||||||||||||
Patrice Lagisquet (Arcachon, 1962ko irailaren 4a) frantziar errugbilari ohia eta entrenatzailea da. Jokalari ibilbide gehiena Euskal Herrian egin zuen: Aviron Bayonnaisen 1982-1992 bitartean, eta Biarritz Olympiquen 1992tik 1997ra. Arrunt abiadura handiko hegalekoa baitzen, "Baionako tren espresa" izengoitia paratu zioten. 1983ko azaroaren 13an egin zuen debuta Frantziako selekzioarekin, Clermont-Ferranden, Australiaren aurka.[1]
1997-98 denboraldian, jokatzeari utzi eta Biarritz Olympiqueko entrenatzaile bilakatu zen, Laurent Rodriguez lagun zuela.[2] Hura entrenatzaile zela izan zituzten biarriztarrek garairik oparoenak: hiru aldiz irabazi zuten Frantziako errugbi txapelketa (2002an, 2005ean eta 2006an), eta Heineken kopako finalerako sailkatu ziren 2006an. 2007-08 sasoiaren bukaeran entrenatzaile kargua uztea erabaki zuen, arrazoi pertsonalak zirela medio, baina 2011-12koan Biarritzera itzuli zen, kirol zuzendari gisa.[3] 2019ko udan, Portugalgo errugbi selekzioko hautatzaile izendatu zuten.[4]
Arazoak dituzten haurren heziketaz arduratzen den Chrysalide erakundearen sortzailea izan zen.[5]
Jokalari palmaresa
[aldatu | aldatu iturburu kodea]Frantziako selekzioa
[aldatu | aldatu iturburu kodea]- 46 test-partida 1983-1991 bitartean
- 80 puntu (20 entsegu)
- Bost Nazioen Txapelketa
- Munduko Errugbi Kopa
- finalista: 1987
Entrenatzaile palmaresa
[aldatu | aldatu iturburu kodea]Biarritz Olympique
[aldatu | aldatu iturburu kodea]- Frantziako errugbi txapelketa
- Yves du Manoir errugbi txapelketa
- irabazlea: 2000
- Frantziako errugbi Ligaren kopa
- finalista: 2002
- Europako Errugbi Txapeldunen Kopa
- finalista: 2006
- European Challenge Cup
- irabazlea: 2012
Erreferentziak
[aldatu | aldatu iturburu kodea]- ↑ Patrice Lagisquet. en.espn.co.uk (Noiz kontsultatua: 2023-4-12).
- ↑ Patrice Lagisquet: "Zerbait gehiago egin genezakeela ikusi nuen azkenean, eta gutxi falta izan zaigu". Euskaldun Egunkaria, 1999ko maiatzak 13, berria.eus (Noiz kontsultatua: 2023-4-12).
- ↑ Magro, Imanol. Lagun zaharra itzuli da. Berria, 2011ko maiatzak 25, CC BY-SA 4.0, berria.eus (Noiz kontsultatua: 2023-4-12).
- ↑ Andrade, David. Patrice Lagisquet vai ser o novo seleccionador nacional. publico.pt (Noiz kontsultatua: 2023-4-12).
- ↑ Chrysalide, 30 ans pour les enfants. presselib.com (Noiz kontsultatua: 2023-4-12).
