Pedro Berruguete

Pedro Berruguete
Irudi gehiago
ganberako margolari
Bizitza
Jaiotza	Paredes de Nava, 1450 ^(egutegi gregorianoa)
Herrialdea	Espainia
Heriotza	Ávila, 1504 ^(egutegi gregorianoa) (53/54 urte)
Familia
Seme-alabak	ikusi Alonso Berruguete
Hezkuntza
Hizkuntzak	gaztelania
Jarduerak
Jarduerak	margolaria
Lantokia(k)	Urbino Palentzia Ávila Burgos Toledo eta Segovia
Lan nabarmenak	ikusi Portrait of Federico da Montefeltro with His Son Guidobaldo ^(en)
Mugimendua	pizkundea

Pedro Berruguete (Paredes de Nava, 1450 inguruan - Ávila, 1504 inguruan) Espainiako eskultore eta margolaria izan zen. XV. mendearen bigarren erdiko artistarik nabarmenetakoa zen. 1477 inguruan Italian izan zen, Urbinon, Federiko da Montefeltro dukearen zerbitzuan, Ganteko Justok hasitako lanari jarraia ematen. Antza denez, haren eskutik atera ziren dukearen gelako Gizon Ospetsuak saileko 28 irudimenezko erretratuetako gehienak. Halaber, bereak bide dira Dukearen eta semearen erretratua eta Arte liberalen alegoriak, gela hartako apaindura osatzen zuten koadroak. Dukea hil ondoren (1482) Espainiara itzuli zen, eta asko lagundu zuen Errenazimentuak ekarri zituen berrikuntzak hedatzen. Berrugueteren lan batzuk galdu badira ere, Toledoko Katedralerako egin zituen freskoetatik asko gorde dira. Horien artean, Avilan pintatu zituen lau erretaulak ditu aipatzekoak. 1499an hasi zuen handiena, baina artista hil zelarik amaitu gabe gelditu zen; beste hiruak Santo Tomas komenturako egin zituen (elizako erretaula nagusia eta Santo Domingo eta San Petri Martiriari eskainitakoak). Garbi nabari da erretaula horietan zeinen artetsu egokitu zituen Italiako Errenazimentuaren oinarriak Gaztelako urrezko hondoen oparotasunarekin. Aipamen berezia merezi dute, bestalde, Paredes de Navako bi erretaulek.

Erreferentziak

Wikimedia Commonsen badira fitxategi gehiago, gai hau dutenak: Pedro Berruguete

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Artikulu hau Gaztela eta Leongo biografia baten zirriborroa da. Wikipedia lagun dezakezu edukia osatuz.