Rachid Mimouni

Rachid Mimouni
Bizitza
Jaiotza	Boudouaou ^(en) , 1945eko azaroaren 20a
Herrialdea	Aljeria  Frantzia  1962ko abenduaren 31)
Heriotza	Paris, 1995eko otsailaren 12a (49 urte)
Heriotza modua	berezko heriotza: hepatitisa
Hezkuntza
Heziketa	Aljerko Unibertsitatea
Hizkuntzak	frantsesa
Jarduerak
Jarduerak	idazlea eta giza eskubideen aldeko ekintzailea
Enplegatzailea(k)	Amnesty International
Jasotako sariak	ikusi [[]]  (1993) [[]]  (1995) Franco-Arabic Friendship Award  (1990)

Rachid Mimouni (arabieraz: رشيد ميموني‎; Alma, 1945eko azaroaren 20a - Paris, 1995eko otsailaren 12a) aljeriar eleberrigilea. Aljerian goi-mailako ikasketak egin, eta kimika ikastera Montrealera joan zen. 1976tik 1979ra bitartean kimikako enpresa bateko garapen-sailaren zuzendaritza hartu zuen, eta Merkataritza Eskolako irakasle izan zen Aljeriako Unibertsitatean. Halaber, Kulturaren Batzorde Nazionaleko kide izan zen. 1968tik 1970ra bitartean, mugimendu berri bat sortua zen aljeriar literaturan, Mohamed Dib eta Rachid Boujedra idazleek sustatuta besteak beste. Moimuonik bere kasa eta bere aldetik heldu zion mugimenduari, 1980ko hamarraldiaren hasieratik. Bere lehenengo bi eleberriak ohiko diskurtso linealean idatziak dira, baina Fleuve detourné lanetik aurrera (1982) idazle original gisa azaldu zen, hizkuntza bizi zorrotzekoa. Estilo desberdinak landu zituen obra berri bakoitzean: beroa eta adierazkorra, batzuetan; hotza eta zorrotza, besteetan. Estereotipoak eta indarrean zegoen sistema inpertsonalak abaildutako herritarrak erretratatzeko orduan nabarmendu zen, batez ere. Lege zaharraren suntsipenagatik eta bere erkideen deserrotze erabatekoagatik kezkaturik, Rachid Mimouniken ustez modernotasunean bat-batean sartzeak suntsipena besterik ez du ekarri. Lan nagusiak: Tombeza (1984), L'Honneur de la tribu (1989), La ceinture de l'ogresse(1991); Une peine à vivre (1991).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.