Raymond Roussel

Raymond Roussel
Irudi gehiago
Bizitza
Jaiotza	Paris, 1877ko urtarrilaren 20a
Herrialdea	Frantzia
Lehen hizkuntza	frantsesa
Heriotza	Palermo, 1933ko uztailaren 14a (56 urte)
Hobiratze lekua	Père Lachaise hilerria Grave of Raymond Roussel ^(en)
Heriotza modua	suizidioa: droga-gaindosia
Hezkuntza
Heziketa	Parisko Kontserbatorioa
Hizkuntzak	frantsesa
Jarduerak
Jarduerak	idazlea, piano-jotzailea, poeta, antzerkigilea, xakelaria eta musikaria
Lan nabarmenak	ikusi Locus Solus ^(en) Impressions of Africa ^(en) Q48752726 Q17354489 Q17632147 How I Wrote Certain of my Books ^(en)
Jasotako sariak	ikusi Ohorezko Legioko zalduna
Mugimendua	surrealismoa
Musika instrumentua	pianoa

Raymond Roussel (Paris, 1877ko urtarrilaren 20a - Palermo, 1933ko uztailaren 14a) frantziar idazlea izan zen. Familia burges aberats batean sortu zen, eta goi-mailako musika-ikasketak egin zituen. Hamazazpi urte zituela ekin zion obra handi bati, La Doublure (Ordezko antzezlea), Nizako inauterien oroitzapena hamabi silabako bertsoetan; biziki hunkitu zuen obra hartan eginiko ahalegin handiek irakurleengan oihartzunik ez izanak. Hamabiko bertsotan jarraitu zuen ondoren, eta Impressions d´Afrique (1910, Afrikako inpresioak), itsasoan galduta, gatibu hartutako europar bidaiari batzuen bitartez, Afrikako munduaren alegiazko deskripzio bitxia eskaintzen zuen obrari ekin zion gero. Iseka gaitzean hartu zioten liburua, baina gai bitxiak lantzen jarraitu zuen hurrengo lanetan: Locus solus (1914, antzerki-lan bihurtua, 1922an), beirazko kaioletan itxitako hilotzak heriotzako unea kontatzen, L´Étoile au front (1924, Izarra aurrean) eta La poussière de soleils (1926, Eguzkien hautsa) antzerki-lanak, eta Nouvelles Impressions d´Afrique (1910, Afrikako inpresio berriak) poema-bilduma. Bere idazkerari buruzko oharrak bildu zituen 1935ean, Comment j´ai écrit certains des mes livres (Nola idatzi ditudan nire liburuetako batzuk) bilduman. Raymond Roussel Palermoko jauregi batean hil zen barbiturikoz pozoituta. Surrealismoaren aitzindaritzat jo dute idazle eta aditu askok, irudimenaren automatismoari eman zion garrantziarengatik.

Erreferentziak

Wikimedia Commonsen badira fitxategi gehiago, gai hau dutenak: Raymond Roussel

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.