Reem Al Numery

Reem Al Numery

Bizitza
JaiotzaYemen, 1996 (27/28 urte)
Herrialdea Yemen
Jarduerak
Jarduerakgiza eskubideen aldeko ekintzailea
Jasotako sariak

Reem Al Numery, arabieraz, ريم النميري‎ (Yemen, 1996), haurren eskubideen alde eta haurren ezkontzaren aurka ari den aktibista yemendarra da.

Biografia

[aldatu | aldatu iturburu kodea]

Al Numery Yemenen jaio zen 1996an. 10 urte bete eta hilabete batzuetara, 30 urteko lehengusuarekin ezkondu behar izan zuen. Ama ezkontzaren aurka zegoen, baina aitak onartu egin zuen.[1] Neskak uko egin zion, eta aitak lotu eta bozatu egin zuen zeremoniarako.[2]Al Numeryk Estatu Batuetako kontsulari azaldu zion senarrak bortxatu egin zuela ezkontza balidatzeko.[2][3]

Ezkondu eta astebetera, Al Numeryk ihes egitea eta dibortzioa lortzeko borrokatzea erabaki zuen, nahiz eta zailtasun handiak izan zituen. Shada Nasser abokatuaren laguntza izan zuen, haurren ezkontzetan espezializatua eta ezkontzera behartutako beste neska bat ere ordezkatu zuena, Nojud Ali.[1]

Bere dibortziorako lege borrokak bi urte iraun zuen, Al Numeryk bere abokatu Shada Nasserri, nazioarteko hedabideen presioari eta gobernuko goi funtzionario bati esker lortu zuena.[1]

Al Numery bere amarekin bizitzera itzuli zen eta eskolara itzuli nahi zuen.[2]

Aintzatespenak

[aldatu | aldatu iturburu kodea]

Estatu Batuetako estatu-idazkariak, Hillary Clintonek, haurren arteko ezkontzaren aurka egin zuelako ezaguna, 2009ko martxoaren 11n aintzatetsi zuen, Adore Emakumeen Nazioarteko Sariarekin.[4] 2010ean, Time aldizkariak munduko 100 pertsona garrantzitsuenen artean sartu zuen.[2]

Erreferentziak

[aldatu | aldatu iturburu kodea]
  1. ↑ a b c Custis James, Carolyn. BLESSED ALLIANCE: MARRIAGE AND THE PROVERBS 31 COUPLE. Ministry matters.
  2. ↑ a b c d (Ingelesez) Steinem, Gloria. (2010-04-29). «The 2010 TIME 100 - TIME» Time ISSN 0040-781X. (Noiz kontsultatua: 2023-03-02).
  3. ↑ Child Bride Fights Against Forced Marriage. America.gov 2009-03-06.
  4. ↑ «Press Releases | Embassy of the United States Sana'a, Yemen» web.archive.org 2015-04-05 (Noiz kontsultatua: 2023-03-02).