Sabicas

Sabicas
Irudi gehiago
Bizitza
Jaiotzako izen-deiturak	Agustín Castellón Campo
Jaiotza	Iruñea, 1912ko martxoaren 18a
Herrialdea	Nafarroa Garaia, Euskal Herria
Heriotza	New York, 1990eko apirilaren 14a (78 urte)
Hezkuntza
Hizkuntzak	gaztelania
Jarduerak
Jarduerak	gitarra-jotzailea, tocaor ^(en) eta musikagilea
Genero artistikoa	flamenkoa
Musika instrumentua	gitarra
Diskoetxea	Elektra Records

Sabicas, benetako izenez Agustín Castellón Campos, (Iruñea, 1912ko martxoaren 18a - New York, 1990eko apirilaren 14a) nafar flamenko gitarrajolea izan zen. Flamenkoa eta bestelako estiloak nahastu zituen lehen musikarien artean dago.

Carlos Itoiz hirikidea izan zen bere ikasle aurreratu bat.

Bizitza

Iruñeko Mañueta kaleko zazpigarren zenbakian jaio zen, ijito familia batean^[1]. Gitarra bere kabuz ikasi zuen eta zazpi urte zituela egin zuen debuta, bere jaioterrian. Handik hiru urtera Madrila joan zen Dorado Antzokian jotzera. Espainia osoan zehar egin zituen birak, flamenkoko abeslari nagusiei laguntzen. 1936an New Yorkera joan zen Carmen Amayarekin eta han bizi izan zen hil zen arte. Estatu Batuetatik antolatzen zituen bere errezitalak mundu osoan eta oso ospetsu egin zen. Bere diskoen bidez, eragin handia izan zuen gitarra jotzaile flamenkoetan. Hainbat domina eta sari eman zizkioten, besteak beste urrezko zenbait disko. Flamenkoaren historiako gitarra jotzaile onenetakotzat hartzen da.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/04/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1. Sabicas flamenko gitarrista omenduko du Iruñeko Udalak^{[Betiko hautsitako esteka]} Paperekoa.berria.info

Kanpo estekak

• (Gaztelaniaz) Manolo Sanlúcarrek Sabicasi idatzitako gutuna.

Artikulu hau Nafarroako biografia baten zirriborroa da. Wikipedia lagun dezakezu edukia osatuz.