Salbeko zubia

Salbe zubia
Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Kokapen fisikoa	Gazteleku
Koordenatuak	43°16′10″N 2°55′54″W / 43.269378°N 2.931803°W / 43.269378; -2.931803
Historia eta erabilera
Eraikuntza	1968 - 1972
Inaugurazioa	1972ko urtarrilaren 9a
Inaugurazioa	1972ko urtarrilaren 9a
Jabea	Bilboko Udala
Kudeatzailea	Artxandako funikularra
Erabilera	errepidea zubia igogailua
Arkitektura
Diseinatzailea	Juan Batanero eta Daniel Buren
Dimentsioak	23,5 () m
2
Gurutzatzen du	Bilboko itsasadarra
Zubibegiak	6

Salbe zubia,^[1] lehen Espainiako Printzeak zubia, Bilbo udalerriko zubi bat da, Bilboko itsasadarra zeharkatzen duena, iparraldetik Matiko eta Gazteleku auzoak eta hegoaldetik Abando auzoko Bilboko zabalgunea eta Abandoibarra guneak elkarlotuz. 1972ko urtarrilaren 9an zabaldu zen.

Izenaren jatorria

Salbe izena itsasontziak Bilboko portura heltzear zeudenean, zubi honen paretik Begoñako basilika ikusten zen lehen puntua zenez, marinelek Begoñako Andre Mariari Salbea abesteagatik datorkio.

Historia

1972ko urtarrilaren 9an zabaldu zuten, Juan Batanero ingeniaria izanik. Helburua hiriburuaren iparraldean 1970eko hamarkadan zegoen trafiko-arazoari irtenbidea aurkitzea zuen. Euskal Herrian ez ezik Espainian ere tiranteak erabiltzeko lehendabizikoen bat izan zen eta taula metalikoa erabiltzeko gutxienetariko bat. Bere 23,5 metroko altuerari esker itsasontziek behetik zeharka dezakete.

Igogailuak

Campo Volantin pasealekua eta Unibertsitateen etorbideak bat egiten duten tokian, zubiaren oinarrian, Salbeko igogailuen beheko geralekua dago. Goiko geralekua zubian bertan kokatzen da. Zubiaren iparraldean dagoen bi igogailuz hornitutako sistema hau Bilboko Udalak ustiatzen du, Artxandako Funikularra S.A. enpresaren bitartez, eta urtean 200.000 lagun inguruk erabiltzen dute. 2008ko maiatzetik igogailu zerbitzua doakoa da.^[2] Igogailuak inguratzen dituzten eskailerak ere badaude.

Guggenheim Bilbao Museoa

Zubiaren mendebaldean Guggenheim Bilbao Museoa dago, diseinatu zutenetik zubian lekukotutako dorre bat duena.

2006. urtearen bukaeran, Daniel Burenek, Guggenheim Bilbao Museoaren hamargarren urteurrena ospatzeko egindako lehiaketaren irabazleak, zubian arku gorri bat eraikitzea proposatu zuen, zubiaren jatorrizko egitura berdea inguratuz. Arku gorriak izeneko egitura horrek zubia eta museoa gehiago integratzeko asmoa zuen, zubian museoaren itxura kurboak ezarrita.^[3]

Arku gorriaren kanpo eta barruko ertzen azala metakrilato zeharrargizkoa da, eta binilozko zerrendak ditu itsatsita kanpotik, barrualdetik instalatutako 6.732 LED argiz jositako sistemaz baliatuta gauero argi-jokoak eskaintzen direla.^[4]

2017ko abuztuaren 11n Arku gorriak instalazioaren birgaitzea amaitu zen, urte horretan ospatutako museoaren hogeigarren urteurrenean.

Argazki galeria

• 
  Salbe zubiaren ikuspegia. Ezkerrean Guggenheim Bilbao Museoa ageri da.
• 
  Salbe zubia Campo Volantin pasealekutik ikusia. Ezkerrean Iberdrola dorrea ikus daiteke.
• 
  Arku gorriak instalazioa eta Salbeko igogailua.
• 
  Salbe zubiaren jatorrizko arkua.

Erreferentziak

1. «Bilbao.eus, Kale-izendegia» www.bilbao.eus (Noiz kontsultatua: 2018-02-11).
2. «El ascensor de La Salve será gratuito, y quedan cuatro de pago en las calles» 20 Minutos 2008-3-12.
3. «Daniel Burenek Salbeko zubiari jarri dion 'Arku gorria' obra gaur inauguratuko du Guggenheimek» Berria 2007-10-19.^{[Betiko hautsitako esteka]}
4. «Eskuraketa: Daniel Burenen Arku gorriak | Sala de prensa del Museo Guggenheim Bilbao» prensa.guggenheim-bilbao.eus (Noiz kontsultatua: 2018-02-11).

Ikus, gainera

Euskarazko Wikipedian bada atari bat, gai hau duena: Bilbo

• Bilboko itsasadarra
• Bilboko itsasadarreko zubiak
• Matiko
• Gazteleku
• Abando (auzoa)

Kanpo estekak