Sandra Mozarowsky

Sandra Mozarowsky
Bizitza
Jaiotza	Tanger, 1958ko urriaren 17a
Herrialdea	Espainia
Heriotza	Madril, 1977ko irailaren 14a (18 urte)
Hobiratze lekua	Madril
Heriotza modua	: garuneko traumatismoa
Hezkuntza
Hizkuntzak	gaztelania
Jarduerak
Jarduerak	aktorea

Alexandra Elena Mozarowsky Ruiz de Frías, ezagunagoa Sandra Mozarowsky izenez, (Tanger, Maroko, 1958ko urriaren 17a - Madril, Espainia, 1977ko irailaren 14a) espainiar aktorea izan zen. 1970eko hamarkadan zehar destape sailkapeneko hogei bat filmetan antzeztu zuen.

Bizitza

Tangerren jaio zen 1958ko urriaren 17an. Diplomazialari kargua ingeniari elektroniko lanbidearekin uztartzen zuen gizonezko errusiar baten eta emakumezko espainiar baten alaba zen. Familia Marokotik Madrilera joan zenean, hiriburuko Lizeo Anglo-Espainiarrean hasi zituen ikasketak. Handik, Colegio del Sagrado Corazón ikastetxera joan zen eta bertan utzi egin zituen batxilergo ikasketak 1976an.

Hamar urte zituela, Pedro Lazagaren El otro árbol de Guernica filmean egin zuen debuta. Hortaz geroztik, eduki erotiko handiko filmetan egin zuen bere ibilbide artistikoa: El mariscal del infierno (1974an Espainian estreinatua), La noche de las gaviotas (1975), El hombre de los hongos (Mexikon filmatua 1976an), Hasta que el matrimonio nos separe(1976), Abortar en Londres (1977) edo Ángel negro (1977), besteak beste.

Horrez gain, Cuentos y leyendas (El estudiante de Salamanca atala) eta Curro Jiménez (El retorno al hogar atala) telesailen atal banatan parte hartu zuen, 1975eko abenduaren 19an eta 1977ko ekainaren 5ean, hurrenez hurren.

1977ko irailaren 14an hil zen Madrilen 18 urte zituela, bere etxeko terrazatik erori ondoren, Álvarez de Baena kaleko 3. zenbakiko laugarren solairutik.^[1] Haurdun zegoen, bost hilabetez.^[2]

Hil baino hilabete lehenago Luis Milla kazetariak Semana aldizkarirako egin zion elkarrizketan, eta Sandra hil ondoren argitaratu zena, agertokietatik eta zinematik behin-behineko erretiro hartuko zuela iragarri zuen. Hainbat asmo zituen, horien artean, batxilergo ikasketak amaitzea, Londresen aktore lanetan trebatzea eta ganora handiagoko zinema-ibilbidea egitea objektu bat bezala sentitzeari uzteko. Izan ere, nekatuta zegoen biluzik agertu behar zen rolak soilik eskaintzen zizkiotelako.

Filmografia

Zinema

Urtea	Filma	Pertsonaia	Zuzendaria
1969	El otro árbol de Guernica	Montserrat	Pedro Lazaga
1973	Lo verde empieza en los Pirineos	Neska frantsesa	Vicente Escrivá
	Manolo la nuit	Erizaina	Mariano Ozores
1974	Los ojos azules de la muñeca rota	Taberna bateko turista gaztea	Carlos Aured
	El mariscal del infierno	Sakrifikatutako neska	León Klimovsky
1975	Cuando el cuerno suena	Julia	Luis María Delgado
	La noche de las gaviotas	Lucy	Amando de Ossorio
	El clan de los Nazarenos	Magda	Joaquín Luis Romero Marchent
	Sensualidad	Pilar	Germán Lorente
	Las protegidas	Marisa	Francisco Lara Polop
	El colegio de la muerte	Leonore Johnson	Pedro Luis Ramírez
1976	El libro de buen amor II	Gadea	Jaime Bayarri
	El hombre de los hongos	Emma	Roberto Gavaldón
	Beatriz	Beatriz	Gonzalo Suárez
	Call-Girl (La vida privada de una señorita bien)	Laura	Eugenio Martín
1977	Tren especial para Hitler	Greta	Alain Payet
	Hasta que el matrimonio nos separe	Martina	Pedro Lazaga
	Pecado mortal	Dontzeila	Miguel Ángel Díez
	El espiritista		Augusto Fernando
	Abortar en Londres		Gil Carretero
1978	Ángel negro	Cristina	Tulio Demicheli

Telebista

Urtea	Telesaila	Atala	Pertsonaia	Zuzendaria
1975	Cuentos y leyendas	El estudiante de Salamanca		José Briz Méndez
1977	Curro Jiménez	El retorno al hogar		Joaquín Luis Romero Marchent

Erreferentziak

1. (Gaztelaniaz) «La actriz Sandra Mozarowsky, gravemente herida» ABC 1977-08-26 (Noiz kontsultatua: 2023-01-24).
2. (Gaztelaniaz) «Ayer murió en Madrid Sandra Mozarowsky» ABC 1977-09-15 (Noiz kontsultatua: 2023-01-24).

Kanpo estekak