Sarah Hirini

Sarah Hirini
(2019) Irudi gehiago
Bizitza
Jaiotza	Feilding ^(en) , 1992ko abenduaren 9a (32 urte)
Herrialdea	Zeelanda Berria
Bizilekua	Papamoa ^(en)
Talde etnikoa	Maoria
Hezkuntza
Heziketa	Feilding High School ^(en) Massey University ^(en)
Jarduerak
Jarduerak	hamabosteko errugbilaria eta zazpiko errugbi jokalaria
Posizio edo espezialitatea	hirugarren lerroko hegala
Pisua	76 kilogramo
Altuera	177 zentimetro
Jasotako sariak	ikusi Member of the New Zealand Order of Merit  (2019ko ekainaren 3a)
sarahhirini.com

 

Sarah Hirini, sortzez Sarah Goss, (Feilding, Zeelanda Berria, 1992ko abenduaren 9a), Zeelanda Berriko emakume errugbi-jokalaria da, eta, bi aldiz, domina olinpikoa izan da^[1]. Zeelanda Berriko emakumeen errugbi-talde nazionalarekin jokatzen du, eta Manawatu Seven taldearen kapitaina izan zen, zeinak Queenstownen 2013ko National Women's Seven titulua irabazi zuen. Emakumeen Munduko Errugbi Kopako (2017) talderako izendatu zuten^[2][3]. Bi aldiz izan da txapeldun olinpikoa, 2020ko Udako Olinpiar Jokoetan eta 2024ko Udako Olinpiar Jokoetan.

Maori ikasketetan, maisu gradurako ikasten ari da^[4]. Maoriar jatorrikoa, Ngāti Kahungunu iwi-ra afiliatuta dago^[5].2013an, Massey Manawatu Unibertsitateko campuseko kirol-saria jaso zuen.

Erreginaren urtebetetze-egunean, Hirini Zeelanda Berriko Merituaren Ordenako kide izendatu zuten errugbian egin zerbitzuengatik^[6].

2019an, Hirini Urteko Zazpiko emakumeen Munduko Errugbi Jokalari izendatu zuten, laugarren aldiz sei urtean^[7]. Zirkuitu globalean 200 partida jokatu zituen lehen emakumea izan zen.

Olinpiar Jokoak

2016ko Udako Olinpiar Jokoetan, Rio de Janeiro, Brasil, zilarrezko domina irabazi zuen Zeelanda Berriko Zazpiko errugbi selekzioarekin, Australiaren atzetik (urrezkoa) eta Kanadakoaren aurretik sailkatuz.

2020ko Udako Olinpiar Jokoetan, Tokio 2020an (Tokio), berriz, urrezko domina irabaziko du Zazpiko errugbi modalitatean, Zeelanda Berriko taldearekin, Frantziako taldearen (zilarrezkoa) eta Fijikoaren (brontzezkoa) aurretik sailkatuz. Hauek osatuko dute Zeelanda Berriko taldea: Michaela Blyde, Kelly Brazier, Gayle Broughton, Theresa Fitzpatrick, Stacey Fluhler Sarah Hirini, Shiray Kaka, Tyla Nathan-Wong, Risi Pouri-Lane, Alena Saili, Ruby Tui eta Portia Woodman-ek^[8][9].

2024ko Udako Olinpiar Jokoetan urrezko domina irabazi zuten berriro ere, emakumezkoen txapelketan Kanada (zilarra) garaitu ostean. Hirugarren taldea AEB (brontzezkoa) izan zen. Hauexek osatu zuten Zeelanda Berriko taldea: Michaela Blyde, Jazmin Felix-Hotham, Sarah Hirini, Tyla King, Jorja Miller, Manaia Nuku, Mahina Paul, Risi Pouri-Lane, Alena Saili, Theresa Fitzpatrick, Stacey Waaka, Portia Woodman, Tysha Ikenasio, Tenika Willison eta Kelsey Teneti.

Emaitzak

Udako Olinpiar Jokoak
Urtea	Lekua	Domina	Proba
2016	Rio de Janeiro Brasil	02 !	Zazpiko-errugbia emakumeak[10].
2020	Tokio Japonia	01 !	Zazpiko-errugbia emakumeak[11].
2024	Paris Frantzia	01 !	Zazpiko-errugbia emakumeak.

Gainerako lorpenak

Hamabosteko errugbi Mundu Kopa
Urtea	Lekua	Domina
2017	Irlanda Irlanda	01 !

Commonwealth Jokoak
Urtea	Lekua	Domina
2018	Gold Coast Australia	01 !

Zazpiko errugbi Mundu Kopa
Urtea	Lekua	Domina
2018	San Frantzisko AEB	01 !

Erreferentziak

1. Laura Weaser, Woman's Day. (24 January 2019). Black Ferns captain Sarah Goss' love and laughter-filled wedding. .
2. «Black Ferns squad for 2017 Women's Rugby World Cup named» All Blacks.
3. «Black Ferns World Cup squad named» Radio New Zealand 5 July 2017.
4. Peter Lampp, Manawatu Standard. (16 October 2013). Little rest for Massey's Goss. .
5. «43 Māori athletes to head to Rio Olympics» Te Karere 5 August 2016.
6. Queen's Birthday honours list 2019. Department of the Prime Minister and Cabinet 3 June 2019.
7. worldrugby.org. «World Rugby Sevens Players of the Year 2019 nominees announced» www.world.rugby.
8. «Sarah Hirini» olympedia.org 2022-02-19an. begiratua(Ingelesez)
9. «Sarah Hirini»^{[Betiko hautsitako esteka]} Olympics.com 2022-02-19an begiratua (Gaztelaniaz)
10. "Zazpiko-errugbia, emakumeak, emaitzak 2016" olympedia.org (Ingelesez)
11. "Zazpiko-errugbia, emakumeak, emaitzak 2020" olympedia.org (Ingelesez)

Kanpo estekak

• Sarah Hirini World Rugby Women's Sevens Series-en
• Sarah Hirini Olympics at Sports-Reference.com-en (artxibatua)
• All Black-en profila