Scholastique Mukasonga

Scholastique Mukasonga
Irudi gehiago
Bizitza
Jaiotza	Gikongoro Province ^(en) , 1956ko abenduaren 20a (67 urte)
Herrialdea	Ruanda  Frantzia
Hezkuntza
Hizkuntzak	frantsesa
Jarduerak
Jarduerak	idazlea
Lan nabarmenak	ikusi Our Lady of the Nile ^(en) The Barefoot Woman
Jasotako sariak	ikusi Renaudot saria  (2012) Arte eta Letren zalduna Simone de Beauvoir Prize  (2021) Ahmadou-Kourouma saria  (2012)
scholastiquemukasonga.net…

Scholastique Mukasonga (Gikongoro probintzia, Ruanda-Urundi, 1956ko abenduaren 20a) ruandar-frantziar idazlea da. Renaudot saria eta Ahmadou-Kourouma saria jaso zituen Notre-Dame du Nil eleberriagatik. 2014an arrazakeriaren eta intolerantziaren aurkako Françoise Seligmann saria eta 2015ean Société des gens de lettres saria jaso zuen. Gaur egun Normandian bizi da^[1].

Bizitza

1956an jaio zen^[2][3] Ruandako hego-mendebaldean. Gurasoek jarri zioten izena abizen gisa erabiltzen du^[4].

1960an, bere familia beste tutsi askorekin deportatu zuten Nyamata herrira. Bigarren hezkuntzako eskoletara tutsiak sartzeko kuota mugatua izan arren, Kigaliko Notre-Dame-de-Citeaux ikastetxean ikasi zuen lehenik, eta gero Butareko gizarte-langileen eskolan. 1973an, ikasle tutsiak eskoletatik kanporatu zituzten, baita funtzionario tutsiak ere euren karguetatik. Ondorioz, errefuxiatu egin zen Burundin. Han bukatu zituen gizarte-langile ikasketak eta Haurren Laguntzarako Nazio Batuen Funtsan hasi zen lanean. 1992an iritsi zen Frantziara, eta gizarte langileentzako proba berriro egin behar izan zuen, Burundin jaso zuen diploma ez baitzuen Frantziako administrazioak aitortu. 1996-1997 bitartean, Caengo Unibertsitateko gizarte langilea izan zen. 1998tik gaur arte, Calvadoseko Familia Elkarteen Departamenduko Batasuneko ordezkari judizialaren kargua betetzen du^[5].

1994an, bere familiako 37 kide hil zituzten Ruandako genozidioan. Mukasongak 10 urte gehiago behar izan zituen Ruandara joateko ausardia lortzeko, eta hori egin zuen 2004an. Horren ostean Inyenzi ou les Cafards liburu autobiografikoa idatzi zuen.^[6]

2021eko ekainaren 2an, Femina sariaren epaimahaian sartu zen, beste hiru idazlerekin batera^[7].

Lanak

Eleberriak

• Notre-Dame du Nil, Éditions Gallimard, 2012.
• Cœur tambour, Éditions Gallimard, 2016.
• Kibogo est monté au ciel, Éditions Gallimard, 2020.
• Sister Deborah, Éditions Gallimard, 2022.
• Julienne, Éditions Gallimard, 2024.

Ipuinak

• Ce que murmurent les collines, Éditions Gallimard, 2014.
• Un pygmée à l'école, Éditions Gallimard, 2017.

Oroitzapenak

• Inyenzi ou les cafards, Éditions Gallimard, 2006.
• La femme aux pieds nus, Éditions Gallimard, 2008.
  • Euskaraz: Emakume oinutsa. Itzultzailea: Miren Agur Meabe. AEK, ACNUR Euskal Batzordea, 2017^[8][3].
• L’Iguifou, Éditions Gallimard, 2010.
• Un si beau diplôme !, Éditions Gallimard, 2018.

Sariak

• 2011: Paul Bourdarie saria^[9]
• 2012: Ahmadou-Kourouma saria^[10]
• 2012: Renaudot saria^[11]
• 2012: Océans France Ô saria^[12]
• 2013: Arteen eta Letren saria^[13]
• 2014: Françoise Seligmann saria^[14]
• 2015: Société des gens de lettres saria^[14]
• 2021: Simone de Beauvoir saria^[15]

Erreferentziak

1. (Frantsesez) Garcin, Jérôme. «Scholastique Mukasonga, la pharaonne noire du Calvados» L'Obs 2012-04-10 (Noiz kontsultatua: 2023-09-14).
2. (Ingelesez) «Book Review: “Our Lady of the Nile” — Prefiguring Rwandan Genocide» The Arts Fuse 2014-08-26 (Noiz kontsultatua: 2023-09-14).
3. ↑ «Emakume oinutsa, Ruandako tragedien testigantza» Armiarma 2018-07-24 (Noiz kontsultatua: 2023-09-14).
4. (Frantsesez) Garcin, Jérôme. «« Sister Deborah » : la Messie noire de Scholastique Mukasonga» L'Obs 2022-11-23 (Noiz kontsultatua: 2023-09-14).
5. (Frantsesez) Calvet, Catherine. «Scholastique Mukasonga : «C’est par le savoir que j’ai échappé à la machette»» Libération 2018-08-22 (Noiz kontsultatua: 2023-09-14).
6. (Frantsesez) «Inyenzi ou les cafards - achat livres» www.lireka.com (Noiz kontsultatua: 2023-09-18).
7. (Frantsesez) Contreras, Isabel. «Prix Femina : Nathalie Azoulai, Scholastique Mukasonga et Patricia Reznikov intègrent le jury» Livres Hebdo 2021-06-02 (Noiz kontsultatua: 2023-09-14).
8. «Afrikatik euskaraz datorren literatura» Literafrics 2018-12-18 (Noiz kontsultatua: 2023-09-14).
9. (Frantsesez) «Prix de l'Academie des Sciences d'Outre-Mer pour L'Iguifou» Scholastique Mukasonga 2011-11-25 (Noiz kontsultatua: 2023-10-07).
10. (Frantsesez) Dumont, Etienne. «Scolastique Mukasonga obtient le Prix Kourouma au Salon du livre» TdG 2012-04-27 (Noiz kontsultatua: 2023-09-14).
11. (Frantsesez) «Le Goncourt sacre Jérôme Ferrari, le Renaudot, Scholastique Mukasonga» Le Monde 2012-11-07 (Noiz kontsultatua: 2023-09-14).
12. (Frantsesez) «Scholastique Mukasonga, lauréate du prix Océans de France Ô» France 3 Normandie 2013-01-07 (Noiz kontsultatua: 2023-09-14).
13. (Frantsesez) «Remise de l'insigne de l'ordre de Chevalier des Arts et Lettres» Scholastique Mukasonga 2013-10-03 (Noiz kontsultatua: 2023-09-14).
14. ↑ (Frantsesez) «Rencontre littéraire : Scholastique Mukasonga et Max Lobe» Musée Barbier-Mueller 2023-03-24 (Noiz kontsultatua: 2023-09-14).
15. (Frantsesez) Oury, Antoine. «L'écrivaine franco-rwandaise Scholastique Mukasonga lauréate du Prix Simone de Beauvoir» ActuaLitté 2021-03-17 (Noiz kontsultatua: 2023-09-14).

Kanpo estekak

• Emakume oinutsa euskaraz