Sobekemsaf I.a

Sobekemsaf I.a
Irudi gehiago
Faraoi
Bizitza
Jaiotza	?
Heriotza	? ( urte)
Hobiratze lekua	Dra Abu el-Naga
Familia
Ezkontidea(k)	Nubemhat ^(en)
Seme-alabak	ikusi Sobekemsaf II.a
Leinua	Egiptoko XVII. dinastia
Jarduerak
Jarduerak	estatu-politikaria

Sekhemra Uadykhau-Sobekemsaf edo Sobekemsaf I.a, Egiptoko XVII. dinastiako faraoi bat izan zen, Egiptoko bigarren tarteko aroan, eta K.a. 1619tik K.a. 1603 arte gobernatu zuen.

Sobekemsafen emazte eta erregina nagusia Nubemhet izan zen.

Sobekemsaf I.aren semea, hau ere Sobekemsaf deitua, Kairoko Egiptoar Museoko estatua batean irudikatua dago, CG 386an, Abidosetik iritsia; printze gaztea, bere aitaren hanken artean kokatua dago (Ryholt).

Turineko Errege Kanonak, 11.2 erregistroan, partzialki irakurgarria dena, bere balizko izena adierazten du (Sekhemra...) 16..., 16 urteko erregealdia ematen diolarik.

Bere izena daramaten Uadi Hammamateko harkaitzetako idazkun batzuetan dokumentatua dago, ekialdeko basamortuan. Idazkun hauek, Sobekemsafen erregealdiko 7. urtean datatuak daude (Ryholt).

Medamudeko Montu jainkoaren omenezko tenpluko harresietako baxuerliebeetan, Sobekemsaf I.a faraoia irudikatua dago bere tronu izenarekin: Sekhemra Uadykhau.

• Akademikoren batzuk, Egiptoko XIII. dinastiaren amaierako faraoi bat izan zela uste dute.

Kanpo estekak

Wikimedia Commonsen badira fitxategi gehiago, gai hau dutenak: Sobekemsaf I.a

Aurrekoa Rahotep

Egiptoko faraoia Egiptoko XVII. dinastia

Ondorengoa Dyehuti