Stanley Kunitz

Stanley Kunitz
Irudi gehiago
Bizitza
Jaiotza	Worcester, 1905eko uztailaren 29a
Herrialdea	Ameriketako Estatu Batuak
Heriotza	New York eta New York, 2006ko maiatzaren 14a (100 urte)
Hezkuntza
Heziketa	Harvard Unibertsitatea
Hizkuntzak	ingelesa errusiera
Jarduerak
Jarduerak	hizkuntzalaria, itzultzailea, idazlea, poeta, unibertsitateko irakaslea, kazetaria eta editorea
Lantokia(k)	Provincetown eta New York
Enplegatzailea(k)	Columbia Unibertsitatea
Jasotako sariak	ikusi John Simon Guggenheim Memorial Foundation beka  (1945) Bollingen Prize  (1987) National Medal of Arts  (1993) Pulitzer Saria Olerkigintzan  (1959) PEN New England Award Harvard Centennial Medal National Book Award for Poetry  (1995) Academy of American Poets Fellowship  (1968) Shelley Memorial Award  (1995) Lenore Marshall Poetry Prize  (1980)
Kidetza	Ameriketako Estatu Batuetako Arte eta Letren Akademia
Genero artistikoa	olerkigintza

Stanley Kunitz (Worcester, Massachusetts, Ameriketako Estatu Batuak, 1905eko uztailaren 29a - New York, Ameriketako Estatu Batuak, 2006ko maiatzaren 14a) ingelesezko poeta izan zen.

Harvard Unibertsitatean ikasketak egin ondoren (1927), eskolak eman zituen, urte askoan, Columbia Unibertsitatean besteak beste (1963-1985). 1959ko Pulitzer saria irabazi zuen Selected Poems 1928-1958 (Olerki hautatuak 1928-1958) liburuarengatik, bere bi lehenengo liburuetatik —Intellectual Things (1930, Kontu intelektualak) eta Passport to the War (1944, Gerrarako pasaportea)— ateratako bertso-bilduma bat. Kalitate intelektual handiko bertsoak dira, Kunitzek asko miresten zituen bi poeten eragina dutenak: John Donne eta William Blake.

Hurrengo poesietan askoz estilo pertsonalagoa eta informalagoa erabili zuen. The Testing-Tree (1971) poema-bilduma autobiografikoan bere aitaren suizidioak eragin zizkion sentimenak arakatu zituen. Halaber, beraren eta bere alabaren arteko belaunaldia aztertu zuen.

Beste lan aipagarri batzuk: The Poems of Stanley Kunitz: 1928-1978 (1979, Stanley Kunitzen poemak: 1928-1978); Next-to-Last Things: New Poems and Essays (1985); eta Passing Through: The Later Poems, New and Selected (1995). Bestalde, literaturaren teoriari buruzko liburuak idatzi zituen, eta errusiar poeta modernoak ingelesera itzuli zituen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.