The Mosquito

Egiten duen soinua
The Mosquito alarma bat, eraikin baten kanpoaldean.

The Mosquito (literalki, eltxoa) edo Mosquito Alarm gazteak alderrai ibiltzea eragozteko erabiltzen den makina bat da, eurek soilik entzun dezaketen frekuentzia altuko soinu bat eginez. Dispositiboek eztabaidak sortu dituzte giza eskubideengatik eta diskriminazioagatik.

Dispositiboa segurtasun- eta babes-tresna gisa merkaturatzen da, gazteak gune espezifikoetan bil ez daitezen. Hala, jokabide antisoziala murrizteko sustatzen da, hala nola alderraia, bandalismoa, drogen kontsumoa, drogen banaketa eta indarkeria. Erresuma Batuan, 3.000 baino gehiago saldu dira, batez ere dendetatik kanpo eta garraio zentroetatik gertu erabiltzeko[1]. Australian, Frantzian, Danimarkan, Italian, Espainian, Alemanian, Suitzan, Kanadan eta Ameriketako Estatu Batuetan ere saltzen dute.

Kritikoen arabera, gazteak diskriminatzen ditu eta giza eskubideak urratzen ditu; Mosquitoa legez kanpokoa izateak, berriz, galera komertzialak jasaten dituzten merkatarien eskubideak urratuko lituzke, "diziplinarik gabeko nerabeek" bezeroak urruntzen dituztenean[2]. Mosquitoarne banatzaileek esan dutenez, dispositiboaz abusatzen ez dela bermatzeko arauak mantentzen dituzte, eta Howard Stapletonek, dispositiboa asmatu zuenak, horren erabilera arautzeko gidalerroak egiteko eskatu die Europako gobernuei.

Gailuaren bertsio berrienak, 2008. urtearen amaieran atera zenak, bi maiztasun-doikuntza ditu: bata, 17,4 kHz ingurukoa, oro har gazteek bakarrik entzun dezaketena, eta bestea, 8 kHz-koa, pertsona gehienek entzun dezaketena. Fabrikatzailearen arabera, irteera potentzialaren presio akustikoaren gehieneko maila 108 dezibelekoa da (dB), eta fabrikatzailearen produktuaren zehaztapenean adierazten da, gainera, soinua 25 urtetik beherakoek entzun dezaketela normalean[3]. Frekuentzia altuak entzuteko gaitasuna, gizaki gehienetan, adinarekin hondatzen da (presbiakusia bezala ezagutzen den baldintza bat), 18 urterekin ikusi ohi dena[4].

Erreferentziak

[aldatu | aldatu iturburu kodea]
  1. ↑ (Ingelesez) Now crime gadget can annoy us all. 2008-12-02 (Noiz kontsultatua: 2020-07-21).
  2. ↑ Rhys, Steffan. (2008-02-11). «Mosquito device inventor tells campaign to buzz off» walesonline (Noiz kontsultatua: 2020-07-21).
  3. ↑ (Ingelesez) «Buy A Mosquito The Anti-Loitering & Teenager Alarm | Mosquito» www.compoundsecurity.co.uk (Noiz kontsultatua: 2020-07-21).
  4. ↑ (Ingelesez) Education.com. «Sonic Science: The High-Frequency Hearing Test» Scientific American (Noiz kontsultatua: 2020-07-21).

Ikus, gainera

[aldatu | aldatu iturburu kodea]

Kanpo estekak

[aldatu | aldatu iturburu kodea]