Trichodes alvearius

Trichodes alvearius
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cleridae
Generoa	Trichodes
Espeziea	Trichodes alvearius Fabricius, 1792

Trichodes alvearius Cleridae familiako kakalardo espezie bat da, zientziarako Fabriciusek 1792an deskribatu zuena. Europa mendebaldean eta erdialdean aurkitzen da eta Afrika iparraldean ere bai. Euskal Herrian ere ikusten da^[1].

Deskribapena

Kakalardo nahiko txikia da, 10-17 mm arteko luzera du. Burua eta pronotoa beltzak ditu, distira urdinkarak dituela. Elitroetan hiru banda gorri eta hiru beltz ditu, aurreko bandek "V" itxura pixkat dute. Azpialdea gorria du eta hankak beltzak dira. Ile fin ugarik estaltzen du gorputza, burua eta hankak batez ere.^[2]

Beldarrak arrosa kolorekoak dira.^[2]

Habitata eta elikadura

Loreak dauden zelaietan ikusten dira, izan ere kakalardo helduek loreen polena jaten baitute. Gai dira intsektu txikiagoak harrapatzeko ere^[3]. Beldarrak erle bakartien beldarretaz elikatzen dira.

Bizi zikloa

Helduak maiatza eta abuztua artean ikusten dira hegan^[2]. Emeek arrautzak erle bakartien habietan jartzen dituzte beldarrak haien beldar eta ninfetaz elika daitezen^[2]. Batzuetan erle arruntaren habian ere jartzen dituzte eta eztiaz elikatzen dira.

Iruditegia

• 
  Trichodes alvearius lore gainean.
• 
  Hegan hastear.
• 
  Buru iletsua.
• 
  Emea arrautza jartzen.

Erreferentziak

1. «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
2. ↑ «Escarabajo de las abejas | Animalandia» animalandia.educa.madrid.org (Noiz kontsultatua: 2024-09-05).
3. (Gaztelaniaz) Escarabajo ajedrezado – El medi natural del Bages i del Moianès. (Noiz kontsultatua: 2024-09-05).

Kanpo estekak