Wilfried David

Wilfried David
Irudi gehiago
Bizitza
Jaiotza	Brujas, 1946ko apirilaren 22a
Herrialdea	Belgika
Heriotza	Wingene, 2015eko ekainaren 15a (69 urte)
Heriotza modua	istripuzko heriotza: trafiko-istripua
Jarduerak
Jarduerak	txirrindularia
Ibilbidea
Taldeak	Urteak
Flandria	1968-1970
Peugeot	1971-1972
Flandria	1973-1975
IJsboerke	1976-1976
Parte-hartzailea Espainiako Vuelta Frantziako Tourra

Wilfried David, (Brujas, 1946ko apirilaren 22a - Wingene, 2015eko ekainaren 15a)^[1], txirrindulari belgikarra izan zen, profesionala 1968tik 1976ra.

Ibilbidea

1968an, Flandria-De Clerck-Krueger taldean, Belgikako Itzulia irabazi zuen, baita Paris-Nizako etapa bat. 1969an, Suitzako Itzulian laugarren sailkatu zen. 1971an, Espainiako Vueltako etapa bat irabazi zuen eta sailkapen orokorreko bigarren postuan amaitu zen, Ferdinand Bracke<nowiki>ren atzetik. 1972an, Suitzako Itzulian hamargarren sailkatu zen, etapa bat irabazi zuelarik. Hurrengo urtean, Romandiako Tourra, Brusela-Ingooigem klasikoa eta Dauphiné Libéréko etapa bat eskuratu zituen.

Kirol ibilbidean zehar, zazpitan hartu zuen parte Frantziako Tourean eta 1973an etapa bat irabazi zuen. 1976an, bigarren sailkatu zen Belgikako Itzulian eta txirrindularitza utzi zuen.

Erretiratu ostean, emaztearekin Café-restaurant Munckenhove zabaldu zuen Ruddervoorden, tamalez jatetxea erabat kixkali zen 2011ko abenduan^[2]. 2015eko ekainaren 15ean, Wilfried eta emaztea trafiko-istripu batean hil ziren, ibilgailua errepidetik atera eta zubi baten hormigoizko zutabea jo ondoren.^[3].

Palmaresa

Amateurretan

1965

• 3. Namurreko Tourrean

1966

• Namurreko Tourreko etapa 1

1967

• Belgikako Itzulia amateur
• 2. Belgikako taldekako txapelketan

Profesionaletan

1968

• Paris-Nizako etapa 1
• Belgikako Itzulia

1969

• 4. Suitzako Itzulian

1970

• Omloop Mandel-Leie-Schelde
• 7. Paris-Luxenburgon

1971

• 2. Espainiako Vueltan eta etapa 1

1972

• 5. Tour de l'Oisen
• 10. Suitzako Itzulian eta etapa 1

1973

• Romandiako Tourra eta etapa 1
• Dauphiné Libéréko etapa 1
• Brusela-Ingooigem
• Frantziako Tourreko etapa 1

1974

• 4. Nokere Koersen
• 5. Flèche Brabançonnen

1975

• 4. Romandiako Tourrean

1976

• Mediterraneoko Tourreko etapa 1
• 2. Belgikako Itzulian

Sailkapen orokorra Itzuli Handietan eta Munduko txapelketan

Lasterketa	1968	1969	1970	1971	1972	1973	1974	1975	1976
Italiako Giroa	-	-	-	-	-	-	-	-	-
Frantziako Tourra	UT	27.	-	UT	41.	74.	UT	UT	-
Espainiako Vuelta	-	-	-	2.	-	-	-	-	-
Munduko errepideko txapelketa	-	-	-	-	-	-	-	-	-

-: Ez zuen parte hartu
UT: Utzi, ez zuen amaitu

Erreferentziak

1. (Frantsesez) «L'ancien champion cycliste Wilfried David et son épouse décèdent dans un accident» dhnet.be 2015-06-15.
2. (Nederlanderaz) Brand in café in Ruddervoorde niet aangestoken. 2011-12-13.
3. (Nederlanderaz) Collega-wielrenners nemen afscheid van Wilfried David en echtgenote Sonja. .

Kanpo estekak

• Wilfried David - ProCyclingStats