Xavier Darasse

Xavier Darasse
Irudi gehiago
Parisko Kontserbatorioako zuzendari 1991ko azaroaren 1a - 1992ko azaroaren 24a ← Alain Louvier - Marc-Olivier Dupin →
Bizitza
Jaiotza	Tolosa Okzitania, 1934ko irailaren 3a
Herrialdea	Frantzia
Heriotza	Tolosa Okzitania, 1992ko azaroaren 24a (58 urte)
Heriotza modua	berezko heriotza: minbizia
Hezkuntza
Heziketa	Parisko Kontserbatorioa Toulouse Regional Conservatory ^(en)
Hizkuntzak	frantsesa
Irakaslea(k)	Maurice Duruflé Rolande Falcinelli Jean Rivier Olivier Messiaen
Ikaslea(k)	ikusi Jean Boyer Jean-Michel Leniaud Dominique Ferran ^(en)
Jarduerak
Jarduerak	organista, musikagilea, musikologoa eta pedagogoa
Enplegatzailea(k)	Conservatoire national supérieur de musique et de danse de Lyon ^(en) Parisko Kontserbatorioa Toulouse Regional Conservatory ^(en)
Mugimendua	musika klasikoa
Musika instrumentua	organoa

Xavier Darasse (Okzitaniako Tolosa, Frantzia, 1934ko irailaren 3a - ib., 1992ko azaroaren 24a) frantses musikaria izan zen.

Parisko Kontserbatorioan ikasi zuen organoa eta konposizioa Duruflé eta Messiaenekin. Organo-jotzaile bikaina izan zen, eta hainbat sari irabazi zituen. Organoko irakasle izan zen Tolosako Kontserbatorioan. ORTFko eta Radio Franceko musika emanaldietako arduraduna izan zen (1962-1975). Frantzian, Alemanian eta Estatu Batuetan ibili zen antzinako musika nahiz gaurkoa interpretatzen eta musikako eskolak ematen. 1976an, auto istripu baten ondorioz, eskuineko besoa galdu zuen, eta hortik aurrera konposizioari eta pedagogiari ekin zion. Lanen artean ditu: orkestra musikarako L´Instant d´après (1977, hogeita hiru haize instrumentutarako), Instants éclatés (1983) eta Instants passés (1989); ganbera musikarako Trio à cordes (1982) eta Septembre (1989); ahots musikarako À propos d´Orphée (1978), II (1984), III (1987), Romanesques (1981) eta Psaume XXXII Exultate (1985). Horiez gainera, Messe pour Montserrat meza konposatu zuen 1978an. Oscar Wilderen Dorian Grayren erretratua eleberrian oinarritutako opera bat hasi zuen, baina bukatu gabe geratu zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.