Zerocalcare

Zerocalcare
	Irudi gehiago
Bizitza
Jaiotzako izen-deiturak	Michele Rech
Jaiotza	Cortona eta Arezzo, 1983ko abenduaren 12a (40 urte)
Herrialdea	Italia ; Frantzia
Bizilekua	Erroma
Lehen hizkuntza	italiera
Hezkuntza
Heziketa	Lycée français Chateaubriand (en)
Hizkuntzak	italiera; frantsesa
Jarduerak
Jarduerak	umorista grafikoa, komikigilea, film-zuzendaria, idazlea, ilustratzailea eta ahots-aktorea
Lan nabarmenak	ikusi The Armadillo Prophecy (en) ; Q19560995 ; Forget My Name (en) ; Q19611254 ; Tentacles At My Throat (en) ; Kobane Calling; Q23653059 ; Tear Along the Dotted Line (en) ; Q110205108 ; Q110205142 ; Safe Inside (comic) (en) ; Q110268959 ; Kobane Calling (en) ; Q110463397 ; Q111194613 ; No sleep till Shengal (en) ; This World Can't Tear Me Down (en) ;
Influentziak	Jamie Hewlett eta Akira Toriyama
Izengoitia(k)	Zerocalcare
	zerocalcare.it

Zerocalcare, Michele Rech komikigile italiarrak (Cortona 1983ko abenduaren 12) erabiltzen duen izengoitia.

Interneteko eztabaida baterako nickname bat behar izan zuela-eta, momentu horretan bertan telebistan ikusi zuen karearen kontrako produktu baten iragarkiaren lelotik hartu zuen Zerocalcare izen artistikoa. Horrela kontatu izan du komikigileak berak behin baino gehiagotan.^[1]^[2]^[3]

Erromako Rebibbia auzo herrikoian hezitako irudigilea da, eta haren komikietan auzoko bizitza, lagunak eta izaera erakusten ditu. Autorea bera komikietako pertsonai eta askotan protagonista bihurtzen da, eta haren bizipen zein kezka pertsonalekin batera, belaunaldi baten egoera islatu nahi du beste pertsonai batzuez hornitutako kontakizunetan, betiere 1980ko lehen bosturtekoan jaiotakoak; bestalde, Zerocalcarek, nerabezarotik, Italiako giro politiko alternatiboetan parte hartu zuen, eta gune okupatu autogestionatuak, mundializazioaren aurkako mobilizazioak, eta kurduen borrokak izan ditu hizpide lan askotan.^[4]

2018 urtean Farmazia Beltza argitaletxeak euskarara itzuli eta argitaratu zuen Zerocalcareren Macerie Prime komikia bi liburukitan: Hondamuinean (2018) eta Hondamuinean 2: 6 hilabete geroago (2019). Koldo Izagirrek egin zuen italieratik euskararako itzulpena.

2019ko apirilean Zerocalcare Donostiako Komikigunean eta Iruñeko Katakrak liburudendan aurkeztu zituen komiki hauek, eta Komikigunean marrazkilari eta komikigileentzako saio berezia eskaini zuen.^[5]

2020 urtean argitaratu zuen euskaraz Farmazia Beltzak 2011 urtean egileak sortutako lehen komiki luzea 'La profezia dell'armadillo'; 2021ean argitaratu zen euskaraz 'Kobane Calling' eta 2022an 'No Sleep Till Shengal'.

2020ko bisita Euskal Herrian

Bere liburuak aurkezten eta komikigintza tailerrak eskaintzen ere izan zen Zerocalcare Euskal Herrian 2020, eta, bisita hartan, Sustrai Colina bertsolaria aritu zitzaion gidari eta itzultzaile lanetan. Horregatik, komikigilearekin izandako solasaldiak hartu zituen gero oinarri Kobane calling libururako hitzaurrea idazteko, eta egilearen robot-irudi gisako bat egiten du bertan. Hitzaurrean kontatzen denez, adibidez, egileak urtean sei hilabete ematen ditu etxean komikiak sortzen, eta beste sei promozio lanetan; argitaletxeen zirkuituetan lehenik, eta gaztetxez gaztetxe ere bai ondoren. Bere sonaz nazkatutako sortzaile baten erretratua egiten du Colinak, baina baita bere konpromiso politikoei fidel jarraitzeko borrokan dabilen egile batena ere: erretxin antza, jakin-minak jota, bere pertsonaiak erdi irentsita, eta, halere, hezur haragizko.^[6]

Lanak

Bolumenak

La profezia dell'armadillo Edizioni Graficart 2011
- La profezia dell'armadillo – Colore 8 bit BAO Publishing 2012
- La profezia dell'armadillo. Artist edition BAO Publishing 2017. Euskaraz Armadiloaren igarkizuna, Farmazia Beltza, 2021eko apirila.
Un polpo alla gola BAO Publishing 2012
- Un polpo alla gola. Nuova edizione deluxe BAO Publishing 2019
Ogni maledetto lunedì su due BAO Publishing 2013
Dodici BAO Publishing 2013
Dimentica il mio nome BAO Publishing 2014
L'elenco telefonico degli accolli BAO Publishing 2015
Kobane Calling editore BAO Publishing 2016
- Kobane calling. Oggi BAO Publishing 2020 Euskaraz Kobane calling, Farmazia Beltza, 2020ko apirila.
Macerie primeBAO Publishing 2017 Euskaraz Hondamuinean, Farmazia Beltza, 2018ko azaroa.
Macerie prime – Sei mesi dopo BAO Publishing 2017 Euskaraz Hondamuinean 2: 6 hilabete geroago, Farmazia Beltza, 2019ko apirila.
Prossima fermata. Una storia per Renato Elementi Kairos 2018
Educazione subatomica Comics&Science Consiglio Nazionale delle Ricerche
Scavare fossati, nutrire coccodrilli BAO Publishing 2018
La scuola di pizze in faccia del professor Calcare BAO Publishing 2019
Scheletri BAO Publishing 2020* A babbo morto. Una storia di Natale BAO Publishing 2020
- A babbo morto. Una storia di Natale - audioliburua, Storyside, 2020
Niente di nuovo sul fronte di Rebibbia BAO Publishing 2021
No Sleep Till Shengal BAO Publishing 2022 Euskaraz No Sleep Till Shengal, Farmazia Beltza, 2022ko azaroa.