Raimondo Tommaso D’Aronco
Raimondo Tommaso D’Aronco (Glemone 31 di Avost 1857 – Sanremo 3 di Mai 1936) al fo un impuartant architet furlan dal inizi dal XX secul.
Il pari Girolamo al jere impresari edîl, Raimondo al studià architeture a Viene e a Vignesie. Al insegnà disen e architeture e tal stes timp al scomençà a fâ dai progjets. Cul timp al ve apalts simpri plui impuartants e dal 1891 al 1908 al fo architet imperiâl a Istambul. Fra lis varis oparis al restaurà Sante Sofie e al fasè la residence estive de ambassade taliane a Tarabya.
Al tornà di spes in Italie sedi par insegnà architeture, sedi stant daûr di diviers lavôrs. Al fo il prin progjetist de Esposizion di Turin dal 1902 e al fasè il gnûf municipi di Udin. Al fo un dai paris dal stîl liberty in Italie e al è considerât il plui grant architet talian dal stîl floreâl.
Leamis esternis
[cambie | modifiche il codiç]- D'Arónco, Raimondo, treccani.it
- (talian) Giuseppe Miano, D'ARONCO, Raimondo Tommaso, in Dizionario biografico degli italiani, XXXII volume, Roma, Istituto dell'Enciclopedia Italiana, 2013.