Covelo (Kalifornje)
| Covelo | ||
| Bestjoer | ||
| Lân |  Feriene Steaten
| |
| Steat |  Kalifornje
| |
| County | Mendocino County | |
| Sifers | ||
| Ynwennertal | 1.255 (2010) | |
| Oerflak | 18,5 km² (ynkl. wetter) 18,4 km² (allinnich lân) | |
| Befolkingsticht. | 68 / km² | |
| Hichte | 426 m | |
| Oar | ||
| Stifting | 1860 | |
| Tiidsône | UTC –8 | |
| Simmertiid | UTC –7 | |
| Koördinaten | 39°47′35″N 123°14′53″W | |
| Kaart | ||
| ||
| De lizzing fan Covelo yn Mendocino County en yn 'e steat Kalifornje. | ||
Covelo is in doarp (census-designated place) yn it noarden fan 'e Amerikaanske steat Kalifornje. It leit yn Mendocino County, op sa'n 23 km eastnoardwestlik fan Laytonville. Covelo stiet bekend as wynbougebiet. Neffens gegevens fan 'e folkstelling fan 2010 hie it doarp doe in befolking fan krapoan 1.300 minsken.
Skiednis
[bewurkje seksje | boarne bewurkje]Covelo waard yn 1860 stifte, doe't der op it plak in winkel iepene waard om 'e bewenners fan it omlizzende heuvellân te betsjinjen. Yn 1870 waard it earste postkantoar der iepene. Guon boarnen wolle hawwe dat Covelo nei in doarp mei deselde namme yn Switserlân ferneamd is. Hoewol't der gjin plak yn Switserlân is dat sa hjit, soe it in misstavering wêze kinne fan Covolo, in boarch yn Pederobba, yn 'e Italjaanske regio Feneto, deun by de Switserske grins.
Demografy
[bewurkje seksje | boarne bewurkje]Neffens gegevens fan 'e folkstelling fan 2010 hie Covelo doe in befolking fan 1.255 minsken. De befolkingstichtens bedroech 68 minsken de km². Fan 'e befolking fan Covelo wie yn 2010 15,3% âlder as 65 jier en 27,0% jonger as 18 jier. Fierders bestie 30,8% fan 'e húshâldings út ien persoan, wylst yn 2000 27,1% fan 'e befolking ûnder de earmoedegrins libbe.
Wat de etnyske opbou fan 'e befolking oangiet, dy wie yn 2010 sa: 37,8% Yndianen; 35,7% blanken; 13,0% Latino's; 1,1% swarten; 0,8% Aziaten; 11,6% oaren of fan mingd etnysk komôf. It hege persintaazje Yndianen yn Covelo kin ferklearre wurde trochdat yn it doarp it haadkertier fêstige is fan 'e Round Valley Yndianestammen, in federaal erkende Yndiaanske stamme-organisaasje.
Berne yn Covelo
[bewurkje seksje | boarne bewurkje]- Michelle Lambert (1985), sjongster
Klimaat
[bewurkje seksje | boarne bewurkje]Covelo hat in Mediterraan klimaat, mei hjitte simmers en mylde winters. Yn july, de waarmste moanne, is de trochsneed temperatuer oerdeis 34,2 °C, en yn desimber, de kâldste moanne, is dat 10,9 °C. Covelo kriget jiers trochinoar 1.058,2 mm delslach, mei dêrûnder oer it hiele winterhealjier ferdield 11,9 sm snie.
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |