Johan Braakensiek

Johan Braakensiek.
Foto Bernard F. Eilers

Johan Coenraad Braakensiek (Amsterdam, 24 maaie 1858 – dêre, 27 febrewaris 1940) wie in Nederlânske keunstskilder, grafikus en yllustrator.

Braakensiek wie learling fan de skilder David Bles en waard al rillegau boekyllustrator, ûnder oaren foar Uit mijn eigen volk fan Justus van Maurik, foar wa't er ek in prachtige rige fan 12 kleurenlito's foar de omslaggen fan oare boeken makke. Datselde die hy foar de boeken fan C. Joh. Kieviet, de bekende auteur fan jeugdboeken en skepper fan de romanfiguer Dik Trom.

Braakensiek wie boekbânûntwerper foar in tal útjouwerijen. Wiidferneamd waard er troch in mannichte politike platen, dy't er fan 1887 oant 1931 tekene foar De Amsterdammer, dy't yn 1925 De Groene Amsterdammer hjitte soe.

Braakensiek is de pake fan Jan van Oort, dy't as Jean Dulieu ferneamd wurde soe mei syn strips, berneboeken en poppefilms oer Paulus de Boskkabouter. Hy hearde ta de earste leden fan Keunstnersferiening Sint Lucas yn Amsterdam.

Galery

[bewurkje seksje | boarne bewurkje]
  • Boekomslach fan Justus van Maurik syn Van allerlei slag, 1881
    Boekomslach fan Justus van Maurik syn Van allerlei slag, 1881
  • Skilderij Doovemansdeur, 1939
    Skilderij Doovemansdeur, 1939
  • Kartoon spjalting yn SDAP, 1894
    Kartoon spjalting yn SDAP, 1894
  • Print 2 út in rige fan 20 út it boek "Van Alles Wat"
    Print 2 út in rige fan 20 út it boek "Van Alles Wat"
  • Print 4 fan 20, "Van Alles Wat"
    Print 4 fan 20, "Van Alles Wat"
  • Print 11, "Van Alles Wat"
    Print 11, "Van Alles Wat"
  • Print 16, "Van Alles Wat"
    Print 16, "Van Alles Wat"
  • Print 17, "Van Alles Wat"
    Print 17, "Van Alles Wat"
  • Print 20, "Van Alles Wat"
    Print 20, "Van Alles Wat"

Boarnen, noaten en referinsjes

[boarne bewurkje]
Boarnen, noaten en/as referinsjes: