Álvaro Romero | |||
---|---|---|---|
Información persoal | |||
Nome | Álvaro Romero Morillo | ||
Nacemento | 12 de maio de 1996 | ||
Lugar de nacemento | Sevilla | ||
Altura | 1,67 m. | ||
Posición | Extremo | ||
Información de club | |||
Club actual | Tenerife | ||
Número | 7 | ||
Carreira xuvenil | |||
Nervión | |||
2014–2015 | Diocesano | ||
Carreira sénior | |||
Anos | Equipos | Aprs | (Gls) |
2013–2014 | Nervión | ||
2015–2016 | Azuaga | 37 | (20) |
2016–2017 | Arenas de Getxo | 20 | (4) |
2017 | Murcia | 0 | (0) |
2017 | → Jumilla | 10 | (0) |
2017–2018 | Badajoz | 13 | (0) |
2018–2019 | Extremadura B | 24 | (13) |
2018–2019 | Extremadura | 4 | (0) |
2019–2021 | Unionistas | 26 | (1) |
2020–2021 | → Algeciras | 26 | (4) |
2021–2023 | Algeciras | 63 | (23) |
2023– | Tenerife | 3 | (0) |
Partidos e goles só en liga doméstica. Club: actualizado a 18 de decembro de 2023. [ editar datos en Wikidata ] | |||
Álvaro Romero Morillo, nado en Sevilla o 17 de maio de 1996, é un futbolista español que xoga como extremo no Tenerife, da Segunda División.
Formouse nas canteiras do Nervión e do CD Diocesano, debutando co primeiro equipo do primeiro deles na tempada 2013/14. Na 2015/16 xogou co CD Azuaga na Tercera División, sendo o máximo goleador do equipo con 20 goles.[1] A continuación fichou polo Arenas de Getxo, co que xogou un ano na Segunda División B.[2]
Nos seguintes anos xogou no Real Murcia, que o cedeu ao Jumilla,[3] no Badajoz e no Extremadura B.[4] O 30 de setembro de 2018 debutou co primeiro equipo do Extremadura na Segunda División, substituíndo a Chuli na segunda metade dun partido ante o Elche.[5] Na tempada 2019/20 militou no Unionistas de Salamanca, co que disputou 26 partidos en liga e tres na Copa do Rei, competición esta última na que lle marcou un gol ao Real Madrid.[6][7]
Na tempada 2020/21 xogou cedido no Algeciras, club que o adquiriu en propiedade para a seguinte campaña.[8][9] En xuño de 2023 asinou un contrato de tres anos co Tenerife, da Segunda División.[10]