AccuWeather

AccuWeather
Logo
World's Weather Authority
Tiponegocio
PropósitoPrevisión do tempo
Data de fundación1962
Fundador(es)Joel Myers
Director/aBarry Lee Myers
Nº de empregados450 Editar o valor en Wikidata
Persoas relacionadasBarry Lee Myers
SedeState College
PaísEstados Unidos de América
Na rede
http://www.accuweather.com/
Facebook: AccuWeather Twitter: breakingweather Instagram: accuweather Editar o valor en Wikidata
[ editar datos en Wikidata ]

AccuWeather é unha empresa estadounidense que ofrece servizos comerciais de predición do tempo en todo o mundo. Os provedores de análise web de terceiros Alexa e SimilarWeb clasificaron o sitio como o sitio web número 200 máis visitado dos Estados Unidos, en novembro de 2015.[1]

Historia

[editar | editar a fonte]

Foi fundada en 1962 por Joel N. Myers, un estudante da Universidade Estatal de Pensilvania, quen, naquel momento, estaba a traballar nunha licenciatura en meteoroloxía.[2] O seu primeiro cliente foi unha compañía de gas en Pensilvania. Mentres dirixía a súa empresa, Myers converteuse en membro da Facultade de Meteoroloxía da súa universidade. A compañía adoptou o nome de AccuWeather en 1971.

Estrutura da empresa

[editar | editar a fonte]

AccuWeather ten a súa sede en State College, Pensilvania, pero tamén ten oficinas no Severe Weather Center en Wichita, Kansas, pero tamén ten oficinas no World Trade Center 7 en Nova York, Pequín, Dublín, Montreal, Bombai, Oklahoma City, Seúl e Tokio.[3] En 2006, AccuWeather adquiriu WeatherData, Inc. de Wichita, Kansas.

AccuWeather baséase en diversas fontes para as súas previsións, incluíndo datos do Servizo Meteorolóxico Nacional dos Estados Unidos, organizacións internacionais, a Axencia de Protección Ambiental e forzas armadas, ademais dos seus propios modelos exclusivos. En 2020, a empresa solicitou entre 5 e 10 millóns de dólares en axudas por causa da pandemia de COVID-19 para manter a 462 empregados.[4] En 2021, tiñan case 500 empregados, con máis de 100 sendo meteorólogos operativos.[5]

Controversias

[editar | editar a fonte]

En abril de 2012, AccuWeather limitou de maneira drástica a accesibilidade dos seus datos históricos públicos, pasando de 15 anos a só 1 ano. AccuWeather ampliou progresivamente o rango das súas previsións de 15 días a 90 días. Varias avaliacións concluíron que estas previsións hiperestendidas son, con frecuencia, enganosas e inexactas e os seus prognósticos mostráronse menos precisos que as baseadas nas medias do Servizo Meteorolóxico Nacional durante 30 anos. O consenso científico sostén que o límite fiábel para predicións meteorolóxicas está entre 1 e 2 semanas, dadas as limitacións dos sistemas de observación e a natureza caótica da atmosfera.[6]

A empresa foi criticada tamén por limitar avisos de eventos extremos como furacáns a usuarios premium, aínda que os datos meteorolóxicos son recollidos polo goberno e están dispoñíbeis gratuitamente no dominio público.[7]

En 2005, o senador Rick Santorum propuxo unha lexislación que limitaría o acceso público á información do Servizo Meteorolóxico Nacional, beneficiando potencialmente a empresas como AccuWeather. Aínda que non prosperou, Santorum recibira contribucións do presidente de AccuWeather.[8] En 2017, Donald Trump nomeou ao CEO de AccuWeather, Barry Myers, para dirixir a National Oceanic and Atmospheric Administration (NOAA). Myers, sen formación científica avanzada, renunciou a AccuWeather en 2019 e, posteriormente, renunciou ao seu nomeamento para a NOAA entre acusacións dun "ambiente laboral inapropiado".[9]

Notas

[editar | editar a fonte]
  1. ↑ "Amazon Alexa; AccuWeather.com". www.alexa.com. Arquivado dende o orixinal o 04 de novembro de 2020. Consultado o 2023-09-03. 
  2. ↑ Susan Adams (2019-06-24). "The Real Cloud Wars: The $6 Billion Battle Over The Future Of Weather Forecasting". Forbes (en inglés). Consultado o 2020-11-01. 
  3. ↑ "Deals & Dealmakers: Itʼs raining deals at 7 World Trade Center". Real Estate Weekly (en inglés). 2019-07-11. Consultado o 2020-11-01. 
  4. ↑ "centredaily.com; bussiness" (en castelán). 
  5. ↑ "About Us ; ccuWeather". Corporate AccuWeather (en inglés). Consultado o 2023-09-03. 
  6. ↑ Samenow, Jason (2021-12-04). "AccuWeather extends its controversial, 45-day weather forecasts to 90 days". Washington Post (en inglés). ISSN 0190-8286. Consultado o 2023-09-04. 
  7. ↑ Onuorah, Nneka; Wolf, Jon (2022-05-19). "Weather". Consultado o 2023-09-04. 
  8. ↑ "CEO_political_donations; Joel_Myers". www.newsmeat.com. 
  9. ↑ Wood, Anthony R. (2019-04-15). "Feds allege ‘widespread sexual harassment’ at AccuWeather while Trump nominee was CEO". www.inquirer.com (en inglés). Consultado o 2023-09-04. 

Véxase tamén

[editar | editar a fonte]

Ligazóns externas

[editar | editar a fonte]