Afrihili

Afrihili El-Afrihili
Creado por:	K. A. Kumi Attobrah	1970
Emprego e uso:	Lingua auxiliar internacional
Total de falantes:
Categoria (propósito):	Lingua artificial para ser usada en África
Categoria (fontes):	Principalmente suahili e akan
Escrita:	Alfabeto latino
Códigos de lingua
ISO 639-1:	--
ISO 639-2:	afh
ISO 639-3:	afh
Mapa
Status

O afrihili (Ni Afrihili Oluga 'a lingua afrihili') é unha lingua artificial deseñada en 1970 por K. A. Kumi Attobrah (Kumi Atɔbra) para ser usada como lingua franca en toda África. O nome da lingua provén da combinación de África con suahili. O seu creador, nativo de Akrokerri (Akrokɛri), Ghana, concibiu a idea orixinalmente en 1967 durante unha viaxe de Dover a Calais. A súa intención era "promover a unidade e o entendemento entre os diferentes pobos do continente, reducir custos debido a traducións e promover o comercio". Foi creada de tal xeito que fose fácil de aprender por africanos.

O afrihili toma a súa fonoloxía, morfoloxía e sintaxe de varias linguas africanas, particularmente do suahili e o akan. O léxico provén de lingua africanas, como tamén doutras moitas fontes dalgún xeito "africanizadas" para non parecer estranxeiras, aínda que o seu creador non indica ningunha etimoloxía. Aínda así, a semántica aseméllase bastante ao inglés, quizais pola forte influencia deste no suahili e o akan escritos.

A lingua emprega o alfabeto latino máis dúas vogais a maiores, ⟨Ɛ ɛ⟩ e ⟨Ɔ ɔ⟩, que se empregan nas linguas de Gana e no IPA, ɛ e ɔ. Os nomes estranxeiros escríbense foneticamente no canto de coa ortografía orixinal, así, por exemplo, 'Hastings' é Hestins. Posúe dous dígrafos, ⟨ch⟩ e ⟨sh⟩, que teñen a súa correspondencia no inglés e no suahili, tʃ e ʃ. J e y pronúncianse como dʒ e j. Ng non é dígrafo, como no inglés finger, [ŋɡ].

Non posúe tons. O acento atópase na penúltima vogal. Os signos de admiración póñense no comezo da frase, mentres que os de interrogación van ao final.

Exemplos

Zuri lu – Bo día (alu 'un día')

Zuri zinga – Boa mañá

Zuri masa – Boa tarde

Zuri dani – Bo serán

Zuri bali – Boa noite

Jo koni – Ir deseguida

! Afuraho – Saúde!

Véxase tamén

Bibliografía

• K. A. Kumi Attobrah: Ni Afrihili Oluga. The African Continental Language (First Edition, 1970; Second Edition, 1973)

Ligazóns externas

• An Afrihili newsletter (1971 version) on Roger Blench's website.[1]()
• A summary of additional details of the verbal and derivational system, Afrihili Notes. ()