Agrupación Deportiva Cerro de Reyes Badajoz Atlético
| Cerro de Reyes | |||
|---|---|---|---|
| Nome | Agrupación Deportiva Cerro de Reyes Badajoz Atlético | ||
| Fundación | 1980 | ||
| Estadio | José Pache, Badaxoz, España  | ||
| Capacidade | 3 500 | ||
| Presidente | Antonio Olivera Méndez | ||
| Adestrador |  Mario Luna | ||
| Liga | Terceira División | ||
| 2010–11 | 20º (2ª B - Grupo 1) | ||
| Vestimenta | Patrick | ||
| Patrocinador | Imagina Badajoz Marca Extremadura | ||
| Na rede | |||
| http://www.cerroreyesbadajoz.com/ | |||
| |||
A Agrupación Deportiva Cerro de Reyes Badajoz Atlético, máis coñecida como Cerro de Reyes, é un equipo de fútbol español de Badaxoz (Estremadura), do barrio de Cerro de Reyes. Foi fundado en 1980 e compite na Terceira División, tras descender na tempada 2010–11.
Historia
[editar | editar a fonte]O Cerro de Reyes xorde a partir dun equipo local, o Club San Miguel, na década de 1970. Tras conseguir un terreo de xogo para o club, o club foi fundado oficialmente o 6 de xaneiro de 1980 con José Luís Álvarez Moneda na presidencia. Posteriormente recalou na dirección do club José Pache, quen realizou varios cambios no equipo coa intención de que este subise a Terceira División.
Cerro de Reyes subiu a Terceira División na tempada 1999-2000 e o seu obxectivo foi manterse na categoría. Na tempada 2002-03 o equipo terminou como campión do Grupo XIV ao terminar con 92 puntos, pero non logra o seu ascenso a Segunda B ao caer no playoff. Desde entón o club conseguiu durante catro anos consecutivos a clasificación para subir á terceira categoría do fútbol español.
O seu debut en Segunda B produciuse na campaña 2006-07. Aínda que caeu en playoff de ascenso, o Cerro de Reyes conseguiu ascender debido ao descenso administrativo do Club Deportivo Badajoz a Terceira, polo que ocupou a súa praza. A pesar de que tratou de manterse, o equipo descendeu ao terminar en 18ª posición. O equipo loitou por recobrar a categoría, e tras quedar segundo en 2008, en 2009 consegue o seu ascenso ao terminar como campión do grupo XIV e vencer na promoción de ascenso, consumándose o ascenso no José Pache ante a UD Los Barrios.
Na súa volta a Segunda División B o equipo eludiu os postos de descenso na primeira tempada. Na tempada 2010-11 debido aos graves problemas económicos do club, os xogadores deciden facer folga como medida de presión, e ao non atopar ningunha solución, é excluído da competición tras a súa incomparecencia ante Vecindario e Montañeros.
Uniforme
[editar | editar a fonte]- Uniforme titular: camiseta a raias verticais azuis e brancas, pantalón azul e medias azuis.
- Uniforme alternativo: camiseta con tres raias verticais de cor negra, branco e verde, pantalón negro e medias negras.
A marca que fornece os equipamentos é Patrick, e o patrocinador do club é Imagina Badajoz na parte dianteira da camiseta, e na posterior a Marca Extremadura.
Estadio
[editar | editar a fonte]O AD Cerro de Reyes disputa os seus partidos no Estadio José Pache, situado na Avd. Jaime Montero de Espinosa en Badaxoz. O campo ten capacidade para 3 500 persoas.
Xogadores
[editar | editar a fonte]Cadro 2009/10
[editar | editar a fonte]
|
|
