American Ornithological Society
| American Ornithological Society | ||||
|---|---|---|---|---|
| Nome curto | AOS e UAO  | |||
| Tipo | sociedade científica e organización sen ánimo de lucro | |||
| Entidades | ||||
Membro de
| ||||
| Obxectivo | ||||
| Campo de traballo | Ornitoloxía | |||
| Data | ||||
| Fundación | 1883 | |||
| Localización | ||||
| ||||
| Estado | Estados Unidos de América | |||
| Distrito Federal | Distrito de Columbia | |||
| Capital federal | Washington, D.C. | |||
| Contacto | ||||
| Páxina WEB | americanornithology.org | |||
| Redes |    | |||
| [ Wikidata ] | ||||
A American Ornithological Society (AOS) ou Sociedade Ornitolóxica Estadounidense, é a máis grande e antiga organización do Novo Mundo dedicada ao estudo científico das aves. Ten a súa sede en Chicago, Illinois.
Historia
[editar | editar a fonte]
A sociedade formouse en outubro de 2016 pola fusión da American Ornithologists' Union (AOU), que fora fundada en setembro de 1883 por Elliott Coues, Joel Asaph Allen e William Brewster, e a Cooper Ornithological Society.[1] Os seus membros son principalmente ornitólogos profesionais, aínda que a adhesión está aberta a calquera persoa que teña interese nas aves. A AOS é membro do Ornithological Council.[2]
A sociedade publica dúas revistas científicas, The Auk,que se edita desde xaneiro de 1884, e The Condor, así como a lista de verificación AOS das aves norteamericanas.
En 2013, a American Ornithologists'Union anunciou unha estreita colaboración coa Cooper Ornithological Society, incluíndo reunións conxuntas, unha oficina centralizada de publicación e unha concentración das súas respectivas revistas para aumentar a eficiencia da investigación.[3]
En outubro de 2016 a AOU anunciou que deixaba de funcionar como unión independente, e que se estaba a fusionar coa Cooper Ornithological Society para crear a American Ornithological Society.[4]
O South American Classification Committee (SACC) (Comité de Clasificación de América do Sur), é un comité oficial no marco da AOS que está encargado da creación dunha clasificación estándar, cos nomes en inglés, para as especies de aves de América do Sur.
Noatas
[editar | editar a fonte]- ↑ "AOU History". American Ornithological Society. Arquivado dende o orixinal o 02 de febreiro de 2017. Consultado o 8 de decembro de 2019.
- ↑ "The Ornithological Council". National Museum of National History, Smithsonian Institution. Arquivado dende o orixinal o 26 de xaneiro de 2016. Consultado o 8 de decembro de 2019.
- ↑ Hagner, Chuck (15 de agosto de 2013). "American Ornithologists’ Union plots new course in Chicago". BirdWatching.
- ↑ "News Release: American Ornithological Society (AOS) Takes Flight". Arquivado dende o orixinal o 27 de marzo de 2017. Consultado o 8 de decembro de 2017.
