Aminal

Fórmula xeral dun aminal.

Un aminal ou aminoacetal é un grupo funcional ou tipo de composto orgánico que ten dous grupos amina unidos ao mesmo átomo de carbono, coa fórmula xeral R₂C(NR₂)(NR₂), onde R pode ser hidróxeno ou un grupo alquilo^[1].

Os grupos aminal e hemiaminal son comparables aos grupos hemiacetal e acetal, pero con nitróxeno en vez de osíxeno. Os aminais fórmanse, por exemplo, na síntese de indol de Fischer.

Hemiaminal éter

Os hemiaminal éteres son ás veces chamados tamén aminais aínda que isto está desaconsellado pola IUPAC. Teñen a seguinte estrutura: R‴-C(NR'₂)(OR")-R⁗. As glicosilaminas son exemplos de hemiaminal éteres cíclicos.

• 
  Un hemiaminal éter derivado dun aldehido.
• 
  Un hemiaminal éter derivado dunha cetona.

Notas

1. IUPAC Gold Book Aminal

Véxase tamén

Outros artigos

• Hemiaminal
• Amina