An Cailín Ciúin

An Cailín Ciúin
Ficha técnica
Título orixinal	An Cailín Ciúin
Director	Colm Bairéad
Produtor	Cleona Ní Chrualaoí
Guión	Colm Bairéad
Baseado en	Foster de Claire Keegan
Intérpretes	Catherine Clinch Carrie Crowley Andrew Bennett Michael Patric Kate Nic Chonaonaigh
Música	Stephen Rennicks
Fotografía	Kate McCullough
Montaxe	John Murphy
Estudio	Inscéal Broadcasting Authority of Ireland Fís Éireann TG4 Zanzibar Films
Distribuidora	Break Out Pictures
Estrea	Berlinale: 11 de febreiro de 2022
Duración	94 minutos
Orixe	Irlanda
Xénero	Drama
Na rede
https://the-quiet-girl.de/

An Cailín Ciúin é un filme irlandés de 2022 dirixido e escrito por Colm Bairéad^[1][2] e rodado en lingua irlandesa. Ambientado en 1981, o filme conta a historia dunha nena de nove anos que vive nun fogar amoroso por primeira vez cando pasa o verán nunha granxa con parentes en Rinn Gaeltacht, no condado de Waterford.

Foi escollido como candidato de Irlanda para o Óscar ó mellor filme internacional na 95ª edición dos premios^[3] e converteuse no primeiro filme irlandés nomeado nesa categoría.^[4]

Sinopse

Irlanda, 1981. Unha nena retraída de nove anos vive nun fogar amoroso por primeira vez cando pasa o verán nunha granxa cuns familiares; mais a súa familia de acollida ten un segredo.

Produción

An Cailín Ciúin baséase en Foster, unha novela en inglés de 2010 escrita por Claire Keegan. O filme foi titulado orixinalmente Fanacht ("Agardando"). Foi rodado en Dublín e no condado de Meath, con localizacións en Summerhill, Moynalvey (incluíndo Fagan's Pub), Curraghtown, Garlow Cross, Trim e Clonymeath.^[5][6]

Notas

1. "An Cailín Ciúin". Break Out Pictures. 
2. "Irish feature films An Cailín Ciúin (The Quiet Girl) and About Joan selected for the Berlin International Film Festival". www.screenireland.ie. 
3. Ramachandran, Naman (2 de agosto de 2022). "Oscars Race: Ireland Submits ‘The Quiet Girl’ for Best International Feature Film". Variety. Consultado o 2 de agosto de 2022. 
4. "Oscars 2023: Record 14 Irish nominations as The Banshees of Inisherin and An Cailín Ciúin lead charge". The Irish Times. 24 de xaneiro de 2023. 
5. "Meath-made film wins Grand Prix award at Berlin festival". Meath Chronicle. 
6. "Fanacht | Screen Ireland". www.screenireland.ie. 

Véxase tamén

Outros artigos

• Filmes de Irlanda propostos ó Óscar ó mellor filme internacional
• Filmes propostos ó mellor filme internacional na 95ª edición dos Óscar

Ligazóns externas

• An Cailín Ciúin na IMDb (en inglés).