Antonio de Torres
  | |
| Nome orixinal | (es) Antonio de Torres Jurado |
|---|---|
| Biografía | |
| Nacemento | 13 de xuño de 1817 La Cañada de San Urbano, España (en)  |
| Morte | 19 de novembro de 1892 (75 anos) Almería, España |
| Actividade | |
| Ocupación | fabricante de instrumentos musicais, músico |
| Período de actividade | 1852 - |
| Descrito pola fonte | Biographical Dictionary of Almería (en) ,  |
 | |
Antonio de Torres, nado en La Cañada de San Urbano (Almería) o 13 de xuño de 1817 e finado en Almería o 19 de novembro de 1892, foi un construtor de guitarras ao que se lle atribúe ser o principal responsable da transformación deste instrumento tal como o coñecemos hoxe en día.
Traxectoria
[editar | editar a fonte]Nado na provincia de Almería desenvolveu o seu labor en Sevilla (entre 1852 e 1869) e Almería (de 1875 ata a súa morte en 1892). Os seus deseños baseábanse na teoría de que a tapa harmónica é a clave do son da guitarra.
O reforzo en abano para a parte inferior da tapa, o característico ensanchamento da curva inferior da caixa, o desprazamento da ponte, e o emprego de madeiras delgadas contribuíron á creación de guitarras resistentes pero lixeiras, cun son claro e flexible e un deseño elegante e sinxelo.
O máis famoso dos guitarristas que usaron instrumentos de Torres foi Francisco Tárrega, que foi un dos primeiros músicos empeñados en demostrar que a guitarra era un instrumento "serio".
Calcúlase que construíu unhas 320 guitarras durante os seus dous períodos de actividade, das cales localizáronse unhas 70.
