Aserca Airlines
| Aserca Airlines | ||
|---|---|---|
 | ||
| IATA R7 | OACI OCA | Indicativo ASERCA |
| Fundación | 1968 | |
| Fin das operacións | 2018[1][2] | |
| Aeroporto principal | aeroporto Arturo Michelena | |
| Centro de conexión | aeroporto Simón Bolívar | |
| Plan de voo frecuente | Privilege | |
| Frota | 10 | |
| Destinos | 12 | |
| Eslogan da compañía | ¡Por todo lo alto! | |
| Sede | Valencia, Carabobo | |
| Páxina web: http://www.asercaairlines.com/ | ||
Aserca Airlines C.A. (Aero Servicios Carabobo) foi unha aeroliña venezolana baseada en Valencia, Carabobo. Operaba servizos regulares domésticos e rexionais a destinos no Caribe, Centroamérica e os Estados Unidos. A súa base principal estaba no aeroporto Arturo Michelena en Valencia, cun centro de conexións no aeroporto Simón Bolívar de Caracas.
Historia
[editar | editar a fonte]A aeroliña foi creada no ano 1968 e iniciou as súas operacións en 1991 con avións pequenos para transporte privado. En 1992 entrou no mercado regular doméstico cun Douglas DC-9-30 alugado. As operacións de Aserca centráronse en Valencia, pero desenvolveu un centro de conexións en Caracas despois de 1994 que, combinado coa desaparición da aeroliña nacional Viasa en 1997, fixo que a compañía experimentase un crecemento significativo no seu mercado, expandindo a súa rede a Bogotá, Lima e Miami a través de Aruba. Entre 1998 e 2000 Aserca tivo o control da meirande parte de Air Aruba. En 2008 mercou a aioría das accións da aeroliña venezolana SBA Airlines (anteriormente Santa Bárbara Airlines).
En xuño de 2013 o Instituto Nacional de Aeronáutica Civil (INAC) de Venezuela anunciou que ía prohibir o uso de avións antigos no país como os Douglas DC-9, Boeing 727 e Boeing 737-200 a partir do 1 de novembro dese ano. Aserca Airlines puido conseguir un permiso especial do INAC para seguir operando os seus dous DC-9 restantes ata o 1 de xullo de 2014. A aeroliña substituíu os avións por dous MD-87 que pertenceran a Aeroméxico.
O 22 de maio de 2018 Aserca anunciou o cesamento de todas as súas operacións e a devolución do seu certificado de operador aéreo.[3][1][2]
Frota
[editar | editar a fonte]En setembro de 2017 a frota de Aserca Airlines estaba formada polos seguintes avións:[4]
| Avión | En servizo | Pasaxeiros | Notas |
|---|---|---|---|
| McDonnell Douglas MD-82 | 4 | 152 | |
| McDonnell Douglas MD-83 | 6 | 152 | |
| Total | 10 | ||
Notas
[editar | editar a fonte]- ↑ 1,0 1,1 "Aserca Airlines cierra operaciones en Venezuela". El Universal. Consultado o 15 de outubro de 2018.
- ↑ 2,0 2,1 "Aserca Airlines". ch-aviation. Consultado o 15 de outubro de 2018.
- ↑ "Aserca anunció el cese de sus operaciones tras 25 años en el país". El Carabobeño. Arquivado dende o orixinal o 07 de xullo de 2018. Consultado o 15 de outubro de 2018.
- ↑ Planespotters (ed.). "Aserca Airlines Fleet Details and History". Consultado o 25 de abril de 2018.