BethAnn McLaughlin

BethAnn McLaughlin
	;
Biografía
Nacemento	Boston, Estados Unidos de América
Educación	Skidmore College (en) ; Universidade de Pensilvania - neurociencia
Actividade
Ocupación	investigadora, neuróloga
Empregador	Vanderbilt University Medical Center (en) (–2019) ; Universidade Vanderbilt (pt) ; Vanderbilt University School of Medicine (en)

BethAnn McLaughlin, nada en Boston (EE. UU) en 1968, é unha neurocientífica e profesora axudante de Neuroloxía na Universidade de Vanderbilt até xullo de 2019. É unha destacada defensora da loita contra a agresión sexual e o acoso ás mulleres na ciencia, tecnoloxía, enxeñería e as matemáticas (STEM). En 2018 creou o sitio web #MeTooSTEM para que as mulleres tiveran un lugar onde contar as súas historias.

O seu traballo foi recoñecido co Premio de Desobediencia en 2018 do MIT Media Lab, que compartiu con outras dúas destacadas activistas (Tarana Burke e Sherry Marts) do "Me Too ".^[1]^[2]^[3]^[4]

Traxectoria

McLaughlin obtivo unha licenciatura en biopsicoloxía no Skidmore College en 1990. Obtivo o seu doutoramento en ciencias neurolóxicas na Universidade de Pensilvania en 1997. Continuou a súa formación posdoutoral no Departamento de Neurobioloxía da Universidade de Pittsburgh.^[5] Recibiu unha bolsa posdoutoral dos Institutos Nacionais de Saúde, outorgada a través do Premio do Servizo Nacional de Investigación do Instituto Nacional de Trastornos Neurolóxicos e Accidentes Cerebrovasculares.^[6] En 2002 incorporouse á Universidade de Vanderbilt como membro do corpo docente.^[7]

Investigación

McLaughlin dirixe o McLaughlin Laboratorio no Vanderbilt Centro Médico Universitario. O seu equipo de investigación estuda como o cerebro responde ao estrés para poder desenvolver solucións terapeúticas para danos agudos e crónicos.

McLaughlin colaborou con investigadores en física e química para estudar os organoides para a deteción de drogas, o colesterol no cerebro e os sensores sensibles para a sinalización metabólica.

Activismo

McLaughlin creou o sitio web MeTooSTEM Arquivado 29 de xaneiro de 2020 en Wayback Machine. para compartir historias de discriminación ou acoso sexual nesta área.

En 2018 McLaughlin compartiu o Premio á Desobediencia do Laboratorio de Medios do MIT coa bióloga Sherry Marts e a fundadora do movemento #MeToo, Tarana Burke.^[8] Tamén recibiu o Premio Especial de Recoñecemento da Sociedade de Neurociencia Louise Hanson Marshall polo seu traballo no avance da muller na neurociencia.^[9]

McLaughlin está traballando en MeTooSTEM, organización sen ánimo de lucro que aconsellará a científicas que son vítimas de acoso sexual.^[10]