O Canon Sportif de Yaoundé (ou Canon Yaoundé) é un club de fútbol da capital do Camerún, Yaoundé, fundado en 1930. A época mais salientable da institución foi nos anos 70 e 80, nos que o equipo acadou 3 veces o campionato de África e a maior parte dos seus títulos nacionais de liga.
O Canon xoga os seus encontros como local no Stade Ahmadou Ahidjo, que ten capacidade para acoller 38.509 persoas nas súas bancadas.
As cores do Canon son o verde e o vermello. O traxe titular é verde coas medias vermellas. Xogadores como François Omam-Biyik, Thomas N'Kono, Jacques Songo'o, Marc-Vivien Foé ou Raymond Kalla teñen defendido esas cores no Canon Yaoundé.