Ceftazidima

Non confundir con ceftazidima/avibactam.

Ceftazidima
Identificadores
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Ceftazidima é un antibiótico beta-lactámico pertencente á terceira xeración de cefalosporinas. En España foi comercializada baixo o nome de Fortam, noutros países Fortaz.

Espectro de acción

Ceftazidima é un antibiótico de amplo espectro, que presenta actividade fronte moitas especies bacterianas, nas que se inclúen:

Grampositivos

• Staphylococcus aureus
• Staphylococcus epidermidis
• Micrococcus spp.
• Streptococcus pyogenes
• Streptococcus Grupo B (Streptococcus agalactiae)
• Streptococcus pneumoniae
• Streptococcus mitis
• Outras especies minoritarias de Streptococcus.

Gramnegativos

• Escherichia coli
• Klebsiella spp.
• Proteus mirabilis
• Proteus vulgaris
• Morganella morganii
• Proteus rettgeri
• Pseudomonas spp. (incluíndo P. aeruginosa)
• Providencia spp.
• Enterobacter spp.
• Citrobacter spp.
• Serratia spp.
• Salmonella spp.
• Shigella spp.
• Yersinia enterocolitica
• Pasteurella multocida
• Acinetobacter spp.
• Neisseria gonorrhoeae
• Neisseria meningitidis
• Haemophilus influenzae
• Haemophilus parainfluenzae

Anaerobios

• Peptococcus spp.
• Peptostreptococcus spp.
• Propionibacterium spp.
• Clostridium perfringens
• Fusobacterium spp.
• Bacteroides spp. (existen cepas de B. fragilis resistentes).

Non obstante, ceftazidima non posúe actividade significativa fronte a Enterococcus, Clostridium difficile, Listeria monocytogenes e Campylobacter^[1].

Indicacións clínicas

En España, a axencia española de medicamentos, aprobou ceftazidima para as seguintes indicacións clínicas:

• Sepse, incluíndo pacientes inmunodeprimidos
• Infeccións respiratorias.
• Infección urinaria.
• Infección abdominal, incluíndo a patoloxía biliar e a peritonite
• Infección xinecolóxica
• Infección de pel e partes brandas
• Infección ósea ou articular

Dosificación

Unicamente existe solución inxectable (intramuscular ou intravenosa). A dose oscila entre 1 ou 2 gramos cada 8 ou 12 horas. A dose debe ser axustada en poboación pediátrica e en insuficiencia renal crónica (filtrado menor de 30)^[2].

Embarazo e lactación

Ceftazidima pertence á categoría B da FDA. Escrétase en pequenas cantidades no leite materno polo que se aconsella precaución no seu uso^[3].

Interaccións medicamentosas

Incompatible na mesma solución con vancomicina e aminoglicósidos.

Efectos secundarios

Semellantes ao resto das cefalosporinas. Destacan as molestias gastrointestinais e a diarrea, incluíndo a colite pseudomembranosa.

Notas

1. "Ficha técnica de "ceftazidima" da AEMPS" (PDF) (en Castelán). Arquivado dende o orixinal (PDF) o 17 de setembro de 2018. Consultado o 17 setembro 2018. 
2. Josep Mensa Pueyo (2015). Guía de terapéutica antimicrobiana (en castelán). ISBN 9788488825155. 
3. "Ficha técnica de "ceftazidima" da FDA" (PDF) (en inglés). Consultado o 17 setembro 2018.