Conchíferos

Non debe confundirse co taxon Conchifera Lamarck, 1818, que é un antigo sinónimo de Bivalvia.

Conchíferos Conchifera
Vieira Lura
Clasificación científica
Superreino: Eukarya Reino: Animalia Subreino: Eumetazoa (sen clasif.) Bilateria Filo: Mollusca Subfilo: Conchifera Gegenbaur, 1878
Ordes
Véxase o texto

Cunchas de Pilina unguis (monoplacóforo).

Antalis vulgaris (escafópodo).

O dos conchíferos (Conchifera) é un dos dous subfilos en que tradicionalmente se dividía o filo dos moluscos.^[1] O outro é o dos aculíferos (Aplacophora + Polyplacophora).

Son moluscos de formas moi diversas, os máis deles bivalvos. O manto está limitado a unha parte do tronco. Polo xeral, están cubertos total ou parcialmente pola cuncha.^[2] Comprende case todos os moluscos (quitando os poliplacóforos e os aplacóforos).^[3] Entre eles encóntranse animais tan coñecidos como as ostras, as ameixas, os mexillóns, as vieiras, as lurae, etc.

Até hai uns 200 anos, os conchíferos formaban un grupo de animais distintos dos moluscos, que non incluían nesa época máis que animais de corpo espido, sen concha. Despois de estudos máis completos sobre a súa anatomía, os conchíferos reagrupáronse cos moluscos.

A cuncha está formada por unha capa orgánica e dúas capas calcarias, con superficie e espesor crecentes como nos poliplacóforos.

Características

Carecen de cutícula e de espiñas. O dorso está cuberto por unha cuncha ás veces formada por dúas valvas. No pé hai dous estatocistos innervados polos ganglios crebrais. Na boca obsérvase unha mandíbula superior e unha mandíbla inferior cuticulares. O estómago ten un saco cego ciliado que forma o estilo cristalino, xelatinoso e provisto de enzimas; o seu extremo superior penetra por rotación no lumen intestinal, onde é utilizado.^[3]

Taxonomía

Descrición

O subfilo foi descrito en 1878 polo anatomista alemán Karl Gegenbaur, na súa obra Grundriss der vergleichenden Anatomie. Zweite verbesswerte Auflage. Leipzig: W. Engelmann.^[1][4]

Etimoloxía

O termo do latín científico Conchifera está formado sobre a raíz conchi- do xenitivo da palabra latina concha, -ae, 'cuncha', e o elemento -fera, plural de -ferus, derivado do verbo fero, 'levar'. Literalmente: 'os que teñen cuncha'.^[5]

Clasificación

Subfilo Conchifera

• Orde Bivalvia
• Orde Cephalopoda
• Orde Gastropoda
• Orde Monoplacophora
• Orde Scaphopoda

Filoxenia

Árbore filoxenética dos moluscos. Obsérvese que case todos os grupos pertencen aos conchíferos.

Mollusca	Aculifera     Polyplacophora    Aplacophora     Chaetodermomorpha      Neomeniomorpha        Conchifera       Cephalopoda      Monoplacophora          Scaphopoda        Bivalvia      Gastropoda

Notas

1. Conchifera Gegenbaur, 1878 no WoRMS.
2. Erich Abel & Rupert Riedl (1986): Fauna y flora del mar Mediterráneo: una guía sistemática para biólogos y naturalistas. Barcelona: Ediciones Omega, S. A. ISBN 978-84-2820-767-6, páx. 261.
3. Remane, Adolf, Volker Storch & Ulrich Welsch (1980): Zoología sistemática. Barcelona: Ediciones Omega, S. A. ISBN 84-282-0608-2.
4. Ver o volume en liña.
5. Webster's Revised Unabridged Dictionary.

Véxase tamén

Bibliografía

• Bernd Humberg & Matthias Bergbauer (2012): Flora y fauna submarina del mar Mediterráneo. Barcelona: Editorial Omega. ISBN 978-84-2821-220-5.
• Klaus-Jürgen Götting (1997): "Conchifera, Schalenweichtiere". En: Westheide, Rieger (ed.): Spezielle Zoologie Teil 1: Einzeller und Wirbellose Tiere. Stuttgart / Jena: Gustav Fischer Verlag. ISBN 3-437-20515-3.

Outros artigos

• Moluscos
• Aculíferos

Ligazóns externas

• Conchifera (os dous taxons) en George Ripley & Charles A. Dana. The New American Cyclopædia.
• Conchifera en George Ripley & Charles A. Dana. The New American Cyclopædia.