San Marino é un estado de 61,5 km² de superficie, o que o converte no segundo estado máis pequeno de Europa. Posúe preto de 30.000 habitantes (29.973 estimados en 2008), tendo así unha densidade de poboación de 489 hab./km².
A poboación, composta basicamente por sanmarineses nativos e italianos, segue unha tendencia de crecemento: no primeiro censo de 1864 a poboación era de 7.080, no segundo (1874) de 7.464, no terceiro (1899) de 9.359, no cuarto (1947) de 12.100 e no quinto (1976), de 12.284. Os sanmarineses que residen no estranxeiro son preto de 17.000 mentres que os estranxeiros que residen en San Marino son 1.000, aproximadamente.
Tódolos datos demográficos que se amosan a continuación corresponden a estimación do ano 2005.
Existen hoxe cerca de 17.000 sanmarineses que residen no exterior, a maioría en Italia, basicamente nas rexións de Emilia Romagna e As Marcas. Esa cifra eleva, desa maneira, o número de cidadáns sanmarineses a case 45.231. Toda comunidade de residentes no exterior debe obter o recoñecemento xurídico do Consiglio dei XII. Actualmente son 6.695 os sanmarineses inscritos polas varias comunidades espalladas polo mundo. A maior delas é a de Detroit que conta con cerca de mil inscritos.
Os estranxeiros constitúen 15% da poboación de San Marino. Deses, o 10% son italianos.
| Concello (Castello) | Estranxeiros |
|---|---|
| San Marino | 612 |
| Acquaviva | 351 |
| Borgo Maggiore | 972 |
| Chiesanuova | 205 |
| Domagnano | 450 |
| Faetano | 180 |
| Fiorentino | 318 |
| Montegiardino | 114 |
| Serravalle | 1.800 |
| TOTAL | 5.002 |