(2007) | |||||||||||||||||||||||||||||||||||||||||||||||||||
Biografía | |||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | 12 de decembro de 1985 (38 anos) Nova Orleáns, Estados Unidos de América | ||||||||||||||||||||||||||||||||||||||||||||||||||
Datos persoais | |||||||||||||||||||||||||||||||||||||||||||||||||||
País de nacionalidade | Estados Unidos de América | ||||||||||||||||||||||||||||||||||||||||||||||||||
Educación | Instituto Politécnico e Universidade Estadual da Virgínia (pt) | ||||||||||||||||||||||||||||||||||||||||||||||||||
Altura | 203 cm | ||||||||||||||||||||||||||||||||||||||||||||||||||
Peso | 95 kg | ||||||||||||||||||||||||||||||||||||||||||||||||||
Actividade | |||||||||||||||||||||||||||||||||||||||||||||||||||
Ocupación | baloncestista | ||||||||||||||||||||||||||||||||||||||||||||||||||
Período de actividade | 2008 - | ||||||||||||||||||||||||||||||||||||||||||||||||||
Nacionalidade deportiva | Estados Unidos de América | ||||||||||||||||||||||||||||||||||||||||||||||||||
Deporte | baloncesto | ||||||||||||||||||||||||||||||||||||||||||||||||||
Liga | NBA G League e Baloncesto masculino da División I da NCAA | ||||||||||||||||||||||||||||||||||||||||||||||||||
Posición de xogo | Ala | ||||||||||||||||||||||||||||||||||||||||||||||||||
Convocado por | Detroit Pistons | ||||||||||||||||||||||||||||||||||||||||||||||||||
|
Deron Washington, nado o 12 de decembro de 1985 en Nova Orleáns, Luisiana, é un ex xogador de baloncesto estadounidense.
Deron Washington xogou durante catro tempadas cos Hokies do Virginia Polytechnic Institute and State University, nas que promediou 11,0 puntos e 5,4 rebotes por partido.[1] Foi titular en 125 dos 128 partidos que disputou cos Hokies,[2] xogando o seu partido máis completo ante os Virginia Cavaliers, no que conseguiu 22 puntos, 10 rebotes, 3 asistencias e 2 tapóns.[3][4]
Washington foi elixido no posto 59 do NBA Draft do 2008 polos Detroit Pistons,[5] mais quedou sen sitio no equipo, polo que decidiu aceptar a oferta do Hapoel Holon da Ligat ha'Al de Israel,[6] onde promediou 14,8 puntos e 7,0 rebotes por partido.[7]
Ao finalizar a tempada regresou aos Estados Unidos, disputando as ligas de verán cos Pistons e conseguindo un contrato parcialmente garantido por dúas tempadas.[8] Mais, tras disputar a pretemporada co equipo, en outubro do 2009, os Pistons optaron por dar confianza ao veterano Chucky Atkins en detrimento de Washington, sendo despedido.[9]
O 5 de novembro do 2009 foi elixido na terceira posición do draft da D-League por Los Angeles D-Fenders,[10] sendo enviado en decembro dese mesmo ano aos Tulsa 66ers a cambio do aleiro Keith Clark[11] En Tulsa disputou un total de 41 partidos, finalizando a tempada cunha medias de 12,4 puntos, 4,7 rebotes e 1.8 asistencias por partido.[12]
En agosto do 2010 confirmouse o regreso do xogador a Europa tras asinar co Obradoiro CAB, que daquela xogaba na LEB Ouro española, onde ao tener condición de asimilado por estar casado cunha muller de nacionalidade alemá non ocupou praza de estranxeiro.[13]