Dora Carrington

Dora Carrington

Biografía
Nacemento	29 de marzo de 1893 Hereford, Reino Unido ^(pt)
Morte	11 de marzo de 1932 (38 anos) Newbury, Reino Unido ^(pt)
Causa da morte	suicidio, ferida por arma de fogo
Outros nomes	Carrington, Dora de Houghton‏
Educación	Slade School of Fine Art ^(pt) Bedford High School for Girls ^(en) University College de Londres
Actividade
Campo de traballo	Pintura e fotografía
Ocupación	pintora, fotógrafa, decorative artist ^(en) , artista
Xénero artístico	Retrato
Movemento	Círculo de Bloomsbury
Obra
Arquivos en	Centro Harry Ransom [ MS-0698]
Familia
Cónxuxe	Ralph Partridge (1918–1926)
Parella	Lytton Strachey
Pais	Samuel Carrington   e Charlotte Houghton
Irmáns	Noel Carrington
Descrito pola fonte	Concise Dictionary of Women Artists ^(en) A historical dictionary of British women ^(en) , (p.85)

Dora de Houghton Carrington, coñecida como Carrington, nada en Hereford o 29 de marzo 1893 e finada en Newbury, Berkshire o 11 de marzo 1932, foi unha pintora e decoradora inglesa, adociada con membros do círculo de Bloomsbury, especialmente co escritor Lytton Strachey.

Traxectoria

Infancia e mocidade

Filla dun mercador, Carrington naceu en Hereford, Inglaterra, e asistiu á escola feminina Bedford High School que promovía a arte; ademais, os seus pais pagáronlle clases particulares de debuxo. Logrou unha bolsa para a Slade School of Art de Londres onde os seus compañeiros artistas foron Dorothy Brett, Paul Nash, Christopher R. W. Nevinson e Mark Gertler. Todos nalgún tempo estiveron namorados dela, igual que o irmán máis novo de Nash, John Nash, que esperaba casar con ela.^[1][2] Gertler pretendeu a Carrington durante varios anos e tiveron unha breve relación sexual durante os anos da primeira guerra mundial.^[3]

Logo do seu paso por Slade comezou a empregar o apelido Carrington unicamente; en Slade era unha práctica común que os estudantes se referisen uns aos outros usando só o apelido. Durante a súa vida non foi moi coñecida como pintora, xa que raramente asinaba as súas obras e apenas expuxo, aínda que si traballou durante un tempo no Omega Workshop e en Hogarth Press, deseñando xilografías.^[4]

Carreira e vida persoal

Cordilleira dende Yegen, Andalucía, 1924, por Dora Carrington

Non foi membro do círculo de Bloomsbury, aínda que está asociada indirectamente co mesmo, xeralmente debido ao seu "estilo de vida bohemio", a súa longa relación co escritor Lytton Strachey e as súas ocasionais relacións homosexuais.

Dúas das súas relacións documentadas foron con Mark Gertler, un coñecido pintor inglés da época, e co escritor Gerald Brenan. Casou con Ralph Partridge, mais viviu a maior parte da súa vida con Strachey.

Lytton Strachey faleceu de cancro de estómago en Ham Spray en xaneiro de 1932. Carrington, que non vía propósito na súa vida sen Strachey, cometeu suicidio dous meses despois da súa morte disparándose cunha arma prestada polo un amigo.^[5] Partridge puido intervir no primeiro intento suicida mais non logrou salvala do segundo. O seu corpo foi incinerado e as súas cinzas enterradas baixo os loureiros no xardín de Ham Spray House.^[6]

Legado

Dora Carrington foi unha experimentada retratista e paisaxista e tamén traballou nas artes aplicadas e decorativas, pintando sobre calquera superficie que tivese preto, como letreiros, tellas ou mobles, así como na decoración de vaixelas. Carrington deseñou a biblioteca da casa en Ham, Wiltshire, onde viviu con Strachey e Partridge.

Dende 1970 medrou o interese pola súa obra, que comezou a obter críticas e valoracións positivas.^[7]

Na cultura popular

• Diana Mitford, amiga próxima, retrata a Carrington en Loved Ones.
• Gerald Brenan escribe sobre a visita de Carrington a España na súa obra autobiográfica South from Granada.
• Emma Thompson interpreta a Carrington no filme de 1995 Carrington, escrito e dirixido por Christopher Hampton e baseado no libro Lytton Strachey de Michael Holroyd.
• Jessica Kate Meyer interpreta a Carrington no filme de 2003 Al sur de Granada, escrito e dirixido por Fernando Colomo, baseado no libro South from Granada de Gerald Brenan.

Notas

1. "Dora Carrington: a difficult virus to get out of your system". Independent. 23 de outubro de 1999. Consultado o 7 de novembro de 2017. 
2. "Dora Carrington :: Biography (1893-1932) :: Gallery :: Canvas Prints". www.leninimports.com. Arquivado dende o orixinal o 15-01-2018. Consultado o 15-1-2018. 
3. "Dora Carrington – an outline of her life - painter, designer, bohemian, bisexual". Arquivado dende o orixinal o 23 de febreiro de 2014. Consultado o 30 de marzo de 2019. 
4. "Dora de Houghton Carrington: An Inventory of Her Collection at the Harry Ransom Humanities Research Center". norman.hrc.utexas.edu. Carrington, Noel, Gertler, Marjorie, Gertler, Mark, 1891-1939, John, Augustus, 1878-1961, Lamb, Henry, 1883-1960, Nevinson, C. R. W. (Christopher Richard Wynne), 1889-1946. Consultado o 15-1-2018. 
5. Haycock, A Crisis of Brilliance, p. 313
6. "Dora Carrington (1893 - 1932) - Find A Grave Memorial". Findagrave.com. Consultado o 17-4-2014. 
7. Noel Carrington, Carrington Paintings, Drawings, and Decorations [1978], p. 14

Véxase tamén

Bibliografía

• Gerzina, Gretchen Holbrook (1989). Carrington: A Life. Nova York, W.W. Norton & Co..
• Haycock, David Boyd (2009). A Crisis of Brilliance: Five Young British Artists and the Great War. Londres, Old Street Publishing. ISBN 978-1-905847-84-6.
• Hill, Jane (1994). The Art of Dora Carrington. Londres, The Herbert Press Ltd.
• (en castelán) Gerald Brenan, Diarios sobre Dora Carrington y otros escritos (1925-1932), editorial Confluencias, 2012.

Ligazóns externas

• Photo
• The Grove Dictionary of Art
• Farm at Watendlath (1921)