Gwendoline Konie

Modelo:BiografíaGwendoline Konie

Editar o valor en Wikidata
Biografía
Nacemento9 de outubro de 1938 Editar o valor en Wikidata
Lusaca, Zambia Editar o valor en Wikidata
Morte14 de marzo de 2009 Editar o valor en Wikidata (70 anos)
Lusaca, Zambia Editar o valor en Wikidata
Embaixador
Membro da Assembleia Nacional da Zâmbia (pt) Traducir
Editar o valor en Wikidata
Datos persoais
EducaciónAmerican University (pt) Traducir Editar o valor en Wikidata
Actividade
Ocupaciónpolítica, poetisa, diplomática, escritora Editar o valor en Wikidata
Cronoloxía
2009Funeral de Estado (pt) Traducir Editar o valor en Wikidata


Gwendoline Chomba Konie, nada en Lusaca o 9 de outubro de 1938 e finada na mesma cidade o 14 de marzo de 2009, foi unha escritora, diplomática e política de Zambia. Foi embaixadora do seu país en Escandinavia, as Nacións Unidas e Alemaña. En 2000 formou o seu propio partido político e en 2001 foi candidata á presidencia de Zambia.

Traxectoria

[editar | editar a fonte]

Naceu na por entón Rodesia do Norte, protectorado británico. Estudou na Universidade de Cardiff, en Gales, e na Universidade Americana en Washington, D.C., nos Estados Unidos de América.[1] Doutorouse en Socioloxía pola Universidade de Warwick.[2]

En 1962 foi elixida por Evelyn Dennison Hone, gobernador xeral de Rodesia do Norte, para ser membro do Consello Lexislativo. Antes de aceptar, ela consultou con Kenneth Kaunda e finalmente aceptou o cargo.[3] Formouse en Asuntos Exteriores e entre 1974 e 1977 foi Embaixadora en Suecia, Dinamarca, Noruega e Finlandia. En 1977 foi nomeada representante permanente de Zambia ante as Nacións Unidas, e en 1979 pasou a ser secretaria permanente do Ministerio de Turismo de Zambia.[3] Despois da perda de porder de Kenneth Kaunda, seguiu traballando como diplomática co presidente Frederick Chiluba até 1997, e foi nomeada embaixadora en Alemaña.[4]

Nas eleccións xerais de 2001 foi candidata á presidencia de Zambia ppolo Partido Social Democrático, que fundara en agosto de 2000 co foco posto en problemática social infantil e feminina.[4][5]

Como escritora, o seu poema "In the Fist of your Hatred" foi incluído en 2007 en The Penguin Book of Modern African Poetry. O texto é un escrito contra a arrogancia masculina.[6]

Tras a súa morte no Hospital MKP Trust de Lusaca, recibiu un funeral de estado.[7].[8]

Notas

[editar | editar a fonte]
  1. ↑ Karen L. Kinnear (2011). Women in Developing Countries: A Reference Handbook: A Reference Handbook. ABC-CLIO. p. 159. ISBN 978-1-59884-426-9. 
  2. ↑ Gwendoline Chomba Konie - Zambia, GenderLinks.org.za
  3. ↑ 3,0 3,1 Robin Morgan (1984). Sisterhood is Global: The International Women's Movement Anthology. Feminist Press at CUNY. pp. 742–744. ISBN 978-1-55861-160-3. 
  4. ↑ 4,0 4,1 "Party led by woman a first for Zambia", 28 de agosto de 2000, iol.co.za, consultado o 2 de febreiro de 2016.
  5. ↑ Adrian Karatnycky (2001). Freedom in the World: The Annual Survey of Political Rights and Civil Liberties, 2000-2001. Transaction Publishers. p. 594. ISBN 978-0-7658-0101-2. 
  6. ↑ Gerald Moore (2007). The Penguin Book of Modern African Poetry. Penguin Books Limited. p. 399. ISBN 978-0-14-191290-5. 
  7. ↑ Gwendoline Konie Dies, 15 de marzo de 2009, Lusaka Times, consultado o 2 de febreiro de 2016.
  8. ↑ Reflecting on Gwendoline Konie's life, Kenneth Kaunda, Marzo de 2009.