Hotel Arts
| Hotel Arts | |
|---|---|
 O Hotel Arts. | |
| Edificio | |
| Localización |  Cataluña Barcelona |
| Coordenadas | 41°23′12″N 2°11′46″L / 41.386666666667, 2.1961111111111 |
| Propietario | Deutsche Bank [1] |
| Uso(s) | Mixto |
| Construción | |
| Inicio | 1988 |
| Remate | 1992 |
| Dimensións | |
| Altura da azotea | 154 |
| Plantas | 44 |
| Equipo | |
| Arquitecto(s) | Bruce Graham |
| [ editar datos en Wikidata ] | |
O Hotel Arts é un dos edificios máis emblemáticos da cidade de Barcelona, en España. Foi construído entre 1988 e 1992 na entrada do Port Olímpic con motivo dos Xogos Olímpicos de 1992, e preside aquela zona da cidade xunto coa veciña Torre Mapfre, que ten a mesma altura.
Ambos rañaceos son, con 154 metros de altura, os máis altos de Barcelona e de Cataluña. O conxunto formado polas dúas torres complétase coa monumental escultura Peix d'or (Peixe de ouro) de Frank Gehry.
Características
[editar | editar a fonte]É unha torre de vidro de cores verdes e grises, de 44 plantas, rodeada dunha estrutura de ferro de cor branca, que foi deseñada polo arquitecto Bruce Graham, propiedade de Deutsche Bank[1] e sede dun luxoso hotel de cinco estrelas da cadea Ritz-Carlton, que abriu as súas portas en 1994. Integra tamén 27 apartamentos de luxo, todos dúplex, dunha, dúas ou tres habitacións, con cociña e comedor, que ocupan as nove últimas plantas. Algún dos apartamentos tamén teñen terraza.
No último piso hai un restaurante que leva o cociñeiro Sergi Arola, antigo alumno de Ferran Adrià. No punto máis alto da torre hai instalada unha cámara de TV3.
Notas
[editar | editar a fonte]- ↑ 1,0 1,1 El País, ed. (02/12/2001). "El Deutsche Bank compra el hotel Arts de Barcelona por 288 millones de euros" (en castelá). Consultado o 10/07/2014.
Véxase tamén
[editar | editar a fonte] |
A Galipedia ten un portal sobre: Barcelona |
Ligazóns externas
[editar | editar a fonte] |
Wikimedia Commons ten máis contidos multimedia na categoría: Hotel Arts |
