Juan Bautista Martínez del Mazo
  | |
| Biografía | |
|---|---|
| Nacemento | 1605 ↔ 1612 Cuenca, España |
| Morte | 10 de febreiro de 1667 Madrid, España |
| Pintor de cámara | |
| | |
| Actividade | |
| Lugar de traballo | Madrid |
| Ocupación | pintor |
| Xénero artístico | Arte de paisaxes |
| Movemento | Barroco |
| Profesores | Francisco Pacheco (pt)  e Diego Velázquez |
| Obra | |
Obras destacables
| |
| Familia | |
| Cónxuxe | Francisca de Silva Velázquez y Pacheco |
| Fillos | María Teresa Martínez del Mazo y Velázquez |
  | |
Juan Bautista Martínez del Mazo, nado posiblemente en Beteta (Cuenca) cara ao 1605 e finado en Madrid en 1667, foi un pintor español, discípulo de Velázquez, que formou parte da chamada Escola de Madrid.
Biografía
[editar | editar a fonte]Del Mazo era conquense de nacemento, fillo de Hernando Martínez e Luisa Bueno del Mazo, foi bautizado o 22 de maio de 1605 na igrexa de San Martiño. Descoñécese como se formou, mais en 1643 era xa mestre pintor e estaba xa en Madrid, logrando entrar no taller de pintura de Velázquez, de quen era xenro ao desposar coa súa filla Francisca o 21 de agosto de 1633. O seu parentesco con Velázquez doulle acceso ao pazo real, sendo en 1645 nomeado pintor do malogrado príncipe Baltasar Carlos, quen lle encargaría copiar afamados cadros, especialmente de cacerías, de importantes pintores flamengos como Paul de Voos, Rubens, e outros. No ano 1646 acompañou ao príncipe até Aragón onde pintaría a súa “Vista de Zaragoza”.
Falecida a súa esposa Francisca en 1654, Juan Bautista casou de novo con Francisca de la Vega (esta é a retratada no lenzo “A familia do artista”, e falecida esta tamén, casaría por terceira vez coa súa cuñada Ana de la Vega.
Activo entre 1645 e 1666, é considerado polo seu estilo o discípulo máis directo de Velázquez, Del Mazo sería tamén pintor do Rei, aínda que non foi o seu pintor de Cámara xamais.
Obra (selección)
[editar | editar a fonte]- Vista de Zaragoza (1646), Museo do Prado, Madrid.
- Retrato do príncipe Baltasar Carlos, Grovenor House, Londres.
- A familia do artista (ca. 1660-65), Kunsthistorisches Museum, Viena.
- Retrato de Mariana de Austria en roupa de dó (1666), National Gallery, Londres e Casa Museo de El Greco, Toledo.
