Kamov Ka-31
| Kamov Ka-31 | |
|---|---|
 | |
| Fabricante | Kamov |
| Primeiro voo | 1987 |
| Introducido | 1995 |
| Produción | 1985-presente |
| Unidades construídas | máis de 35 |
O Kamov Ka-31 (disignación OTAN 'Helix') é un helicóptero militar desenvolvido para a Armada Soviética e no presente en servizo en Rusia, a China e a India na función naval de alerta temperá e control aerotransportado.
Como todos os helicópteros Kamov, agás a familia Ka-60/62, o Ka-31 ten rotores principais coaxiais contrarrotatorios. A célula do Ka-31 está baseada na do Kamov Ka-27. Unha característica distintiva do Ka-31 é a grande antena do radar de alerta temperá, que ou está xirando ou está plegado e gardado baixo a fuselaxe. Outra característica distintiva é a redución do voluminoso conxunto sensorial electro-óptico debaixo da cabina. O tren de aterraxe retráese para evitar interferencias co radar.