Ligand Pharmaceuticals

Ligand Pharmaceuticals Incorporated
Tiponegocio Editar o valor en Wikidata
SedeSan Diego Editar o valor en Wikidata
Personalidades
Fundador/aBrook Byers[1]
Produción
Industriabiofarmacéutica
Data
Fundaciónsetembro de 1987
Localización
Mapa
 32°54′09″N 117°13′15″O / 32.902424, -117.220848
LocalizaciónSan Diego (Estados Unidos)
Contacto
Páxina WEBligand.com Editar o valor en Wikidata
[ Wikidata ]

Ligand Pharmaceuticals é unha empresa biofarmacéutica norteamericana con sede en San Diego[2], que se fundou en 1987 como Progenx Inc. e que principiou a cotizar en bolsa en 1992. Inicialmente centrouse en desenvolver os seus propios medicamentos, pero tras un período de problemas internos a comezos da década de 2000 que levaron á expulsión do seu director executivo polos accionistas e unha mudanza da estratexida da empresa, para se centrar na adquisición de dereitos de medicamentos xa existentes e formar alianzas para os desenvolver.

Dende 2005 a empresa tivo por dúas veces que corrixir as súas contas financeiras, e foi obxecto de demandas xudiciais colectivas. Fortune clasificadouna entre as 100 empresas que máis medraron no período 2014-2016, e en 2018 o seu director executivo apareceu na listaxe dos cinco mellor pagados de San Diego.

Actividade

[editar | editar a fonte]

Ligand Pharmaceuticals desenvolve ou adquire activos xeradores de regalías que abranguen numerosas tecnoloxías, terapias e medicamentos[3]. Entre outros medicamentos recibe regalías de Kyprolis, Melphalan, Nexterona e Baxdela[4].

En 2015 Ligand tiña acordos con aproximadamente 120[5] empresas farmacéuticas, entre elas Captisol[6].

Historia

[editar | editar a fonte]

En 1987 Brook Byers fundou Progenx Inc. que en 1989 mudou o nome polo actual, e que se transformou en compañía de capital aberto a finais de 1992[7]. Howard Birndorf foi seu primeiro director executivo ao que lle sucedeu David Robinson, e os dous enfocaron a actividade ao desenvolvemento de medicamentos baseados en receptores nucleares orfos[8].

En setembro de 2005 a NASDAQ retirouna dos seus índices despois de imcumprir varios prazos para a presentación das súas contas financeiras[9]. A empresa estaba a ser investigada polo organismo federal Securities and Exchange Commission (SEC) polos informes financeiros emitidos entre 2002 e 2004[10], e tivo que corrixir as súas contas dese período. Finalmente, non se tomou acción ningunha contra da empresa[8], pero ao seu auditor da época, Deloitte, multouno máis tarde a Public Company Accounting Oversight Board cun millón de dólares por conduta impropia na realización de auditorías, e que podería revelar que Ligand estaba inflando as vendas[11]. Ligand volveu ao índice NASDAQ en xuño de 2006 e acordou pagar máis de 12 millóns de dólares para resolver o litixio dos accionistas[12].

Ademais destes problemas de contabilidade, en 2006, a empresa informou da ausencia de beneficios malia algúns dos medicamentos que desenvolveran contaban coa aprobación das autoridades sanitarias, e accionistas disidentes, como Dan Loeb, forzaron a marcha de Robinson substituído por Henry F. Blissenbach que vendeu todas as operacións comerciais da compañía e despediu traballadores. En xaneiro de 2007 John Higgins, un antigo banqueiro de investimento, asumiu o posto de director executivo e mudou a estratexia da empresa para se centrar en medicamentos en desenvolvemento e na formación de acordos con outras empresas para desenvolvelos totalmente[8].

Durante a crise económica de finais da década de 2000, a compañía utilizou o seu capital para adquirir outras empresas, como Neurogen, Farmacopeia Biotecnology, Metabasis Therapeutics e Cydex Pharmaceuticals. Higgins afirmou que o resultado das compras foi unha carteira de preto de 60 medicamentos en desenvolvemento, acordos con empresas farmacéuticas e outros activos[8].

Fortune clasificou a empresa como unhas das primeiras cen empresas de maior crecemento no período 2014-2016 e listouna no nº 6 en 2016.[13]. En novembro de 2016, Ligand notificou á SEC que tiña que corrixir os seus últimos informes financeiros por mor de controis ineficaces na contabilidade, esaxeración de activos por impostos diferidos e categorización errónea de débeda non garantida[14]. Como resultado presentáronse varios procesos de demanda colectiva, alegando que a empresa estaba involucrada en fraude de valores[15][16][17]. En 2018 Van Doorn de MarketWach clasificou Ligand no número dous da listaxe das empresas de maior rápido crecemento no sector da saúde[18]. As accións de Ligand medraron un 99% no período 2014-2019[19].

Notas

[editar | editar a fonte]
  1. ↑ "Ligand Pharmaceuticals Incorporated History". Funding Universe. 
  2. ↑ "About/Contact". ligand.com. 
  3. ↑ "Ligand". sec.gov. 
  4. ↑ "Featured Marketed Products". ligand.com. 
  5. ↑ "3 Biotech Stocks That Could Grow Faster than Apple". fool.com. 4 de xullo de 2015. 
  6. ↑ "Ligand Provides a Corporate Update and Announces May 6th as the Date for First Quarter Earnings Call". MENAFN. 6 de marzo de 2020. 
  7. ↑ "Ligand Pharmaceuticals Incorporated". Company-Histories. 
  8. ↑ 8,0 8,1 8,2 8,3 "San Diego’s Ligand Takes Advantage of the Great Recession to Build New Drug Pipeline". Xconomy. 25 de marzo de 2011. 
  9. ↑ "Ligand loses its listing on Nasdaq". San Diego Union Tribune. 7 de setembro de 2005. Arquivado dende o orixinal o 13 de setembro de 2018. Consultado o 26 de abril de 2020. 
  10. ↑ "SEC starts probe into Ligand's accounting". San Diego Union Tribune. 15 de setembro de 2005. Arquivado dende o orixinal o 13 de setembro de 2018. Consultado o 26 de abril de 2020. 
  11. ↑ "Deloitte Agrees to Pay $1 Million Fine". New York Times. 11 de decembro de 2007. 
  12. ↑ "Ligand to pay $12.2 million to settle lawsuits". San Diego Union Tribune. 30 de xuño de 2006. Arquivado dende o orixinal o 13 de setembro de 2018. Consultado o 26 de abril de 2020. 
  13. ↑ "100 Fastest-Growing Companies. Ligand". Fortune. Arquivado dende o orixinal o 30 de xullo de 2020. Consultado o 26 de abril de 2020. 
  14. ↑ "Ligand Pharmaceuticals Facing Securities Class Action". battea.com. 
  15. ↑ "Lawsuit for Investors in Ligand Pharmaceuticals Inc. (NASDAQ:LGND) over alleged Violations of Securities Laws announced by Shareholders Foundation". Globe Newswire. 29 de novembro de 2016. 
  16. ↑ "Investors Sue Ligand Over Exaggerated Financials". Courthouse News Service. 18 de novembro de 2016. 
  17. ↑ "Ligand Pharmaceuticals Inc. Investigated For Securities Fraud By Block & Leviton After Announcing Restatement Of Financial Results". Ciston PR Newsire. 15 de novembro de 2016. 
  18. ↑ "10 fast-growing companies in the hottest small-cap stock sector". MarketWach. 27 de maio de 2018. 
  19. ↑ "Introducing Ligand Pharmaceuticals (NASDAQ:LGND), A Stock That Climbed 99% In The Last Five Years". Simply Wall St. 24 de abril de 2019. Arquivado dende o orixinal o 01 de xuño de 2020. Consultado o 26 de abril de 2020.