Maimouna N'Diaye

Maimouna N'Diaye

(2018)
Biografía
Nacemento	século XX París, Francia
Actividade
Ocupación	actriz, directora de cinema
Período de actividade	1991 -

Maimouna N'Diaye, nada en París, é unha actriz franco-guineana principalmente coñecida pola súa participación no filme L'oeil du cyclone (2015).

Traxectoria

Naceu en París dun pai senegalés e dunha nai nixeriana.^[1] Medrou en Guinea e volveu a Francia con 18 anos. En 1995 formou parte do grupo de teatro Ymako Teatri en Costa do Marfil.^[2]

Como humorista, participou en obras de teatro e no cinema no Senegal, en Guinea e en Burkina Faso. Destaca a súa participación no filme La Chasse aux papillons, de Otar Iosseliani (1992), en L'oeil du cyclone, de Sékou Traoré (2014) e en Kirikou et la Sorcière, de Michel Ocelot (1998)^[1].

Como realizadora, participou en varios documentais sobre África, como Warbassaga (1998), Balan (2004), Recréatales (2003), Amando (2003), Pauline (l'amour en action) (2009), Tranches de vies (2009) e Le prix du courage (2010)^[3],[2].

En 2019 foi elixida como membro do xurado do Festival Internacional de Cinema de Cannes, presidido por Alejandro González Iñarritu^[4].

Filmografía

• Toubab Bi (1991)
• La Chasse aux Papillons (1992)
• Kirikou et la Sorcière (voz, 1998)
• L'Oeil du Cyclone (2015)
• Bol d'amour
• Super Cops

Notas

1. Douce, Sophie (14 de maio de 2019). "Festival de Cannes 2019 : Maïmouna N’Diaye, actrice panafricaine". Le Monde. 
2. Biographie Arquivado 03 de marzo de 2016 en Wayback Machine. en Africafilms
3. Biographie na páxina web Africultures
4. « Le Jury du 72e Festival de Cannes », communiqué de presse du Festival de Cannes, 29 de abril de 2019.

Véxase tamén

Ligazóns externas

• Maimouna N'Diaye na IMDb (en inglés).