Martti Rautanen

Martti Rautanen

Biografía
Nacemento	10 de novembro de 1845 Tikopis, Rusia ^(en)
Morte	19 de outubro de 1926 (80 anos) Olukonda, Namibia ^(pt)
Relixión	Luteranismo
Actividade
Lugar de traballo	Olukonda ^(pt)
Ocupación	tradutor, sacerdote, tradutor da Biblia, misioneiro
Período de actividade	1889 -
Premios
Knight First Class of the Order of the White Rose of Finland ^(en)  Order of the Red Eagle 4th Class ^(en)

Martti Rautanen, nado o 10 de novembro de 1845 en Tikopis, Ingria (no presente parte de Rusia) e finado o 19 de outubro de 1926 en Olukonda, Namibia, foi un pastor luterano finlandés coñecido tamén polo alcume de Nakambale ("home do chapeu").

Traxectoria

Rautanen foi misioneiro no que hoxe é Namibia, tras formarse en Helsinqui na Misión Evanxélica Luterana Finlandesa. Pasou unha temporada en Cidade do Cabo, onde chegou en 1868. Estableceu a súa misión en 1870 en Elim entre os ovambos, aínda que despois de dous anos tivo que marchar por orde do rei Nuuyoma. Pasou por diferentes lugares ata establecerse en 1880 en Olukonda, onde pasaría o resto da súa vida.

Traduciu o Novo Testamento (1908) e parte do Antigo Testamento ao ndonga e foi o impulsor do xornal da misión de Olukonda, Osondaha, que apareceu tamén en ndonga dende 1901.