Mary Treat
  | |
| Biografía | |
|---|---|
| Nacemento | (en) Mary Lua Adelia Davis 7 de setembro de 1830 Trumansburg, Estados Unidos de América (en)  |
| Morte | 11 de abril de 1923 (92 anos) Pembroke, Estados Unidos de América (en) |
| Lugar de sepultura | Nova Jersey |
| Actividade | |
| Campo de traballo | Botánica e entomoloxía |
| Ocupación | botánica, coleccionista de plantas, entomóloga, zoóloga, escritora |
| Obra | |
| Abreviación dun autor en botánica | Treat |
| Abreviatura do autor en zooloxía | Treat |
| Descrito pola fonte | Library of the World's Best Literature |
  | |
Mary Lua Adelia Davis Treat, nada o 7 de setembro de 1830 en Trumansburg, Nova York e finada o 11 de abril de 1923 en Pembroke, Nova York,[1] foi unha naturalista e correspondente de Charles Darwin. As contribucións de Treat tanto á botánica como á entomoloxía foron amplas: catro especies de plantas e animais levan o seu epónimo, incluíndo unha amaryllis, Zephyranthes treatae , e unha especie de formiga, Aphaenogaster treatae.
Traxectoria
[editar | editar a fonte]Nada nunha familia de clase media, creceu principalmente en Ohio, onde asistiu a escolas públicas e privadas de nenas. Davis casou, en 1863, co doutor Joseph Burrell Treat, abolicionista e profesor; viviron en Iowa, e en 1868 mudáronse a Vineland, Nova Jersey.[2]
Carreira e investigacións
[editar | editar a fonte]
Despois de mudarse a Nova Jersey, Treat comezou estudos científicos; e colaborou co seu marido en artigos e investigacións sobre entomoloxía.[2] O primeiro artigo científico de Treat publicouse en "The American Entomologist" cando tiña 39 anos. E, durante 28 anos, escribiu 76 artigos científicos e divulgativos, ademais de cinco libros. A súa investigación expandiuse rapidamente desde a entomoloxía ata a ornitoloxía e a botánica, detallando a vida de aves e plantas no sur de Nova Jersey.[2] En 1874, despois da súa separación do seu marido, Treat mantívose publicando artigos de divulgación científica en revistas como Harpers and Queen. A partir de 1870, publicou artigos naturalistas populares en Garden and Forest, Hearth and Home, Harper's e Lippincott's.[2][3]
O seu texto, Injurious Insects of the Farm and Field, publicado orixinalmente en 1882, foi reimpreso cinco veces. Coleccionou plantas e insectos para outros investigadores, un dos cales foi o eminente botánico de Harvard, Asa Gray. Foi Gray quen a presentou a Charles Darwin. Treat escribiu notas para conferencias botánicas e entomolóxicas, non só para Darwin e Gray, senón tamén para Auguste Forel e Gustav Mayr. Viaxou varias veces a Florida entre 1876 e 1878 para investigar máis plantas insectívoras. Nunha desas viaxes, descubriu o lirio Zephyranthes treatae (que recibiu o seu nome por Sereno Watson) e descubriu que outro lirio non estaba extinguido.[2]
Notas
[editar | editar a fonte]- ↑ Lorrain Abbiate Carruso & Terry Kohn, Mary Lua Adelia Davis Treat 1830-1923, p. 199-201 of Past and promise: Lives of New Jersey women, First Cyracuse University Press, 1997.
- ↑ 2,0 2,1 2,2 2,3 2,4 Ladies in the Laboratory? American and British Women in Science, 1800-1900: A Survey of Their Contributions to Research (en inglés). Scarecrow Press. 1 de xaneiro de 2000. ISBN 9780585276847.
- ↑ "Mary Treat | Harper's Magazine".
Véxase tamén
[editar | editar a fonte] |
Wikimedia Commons ten máis contidos multimedia na categoría: Mary Treat  |
