María Rey

María Rey

(2019)
Biografía
Nacemento	21 de marzo de 1967 (57 anos) Tomiño, España
Educación	Universidade Complutense de Madrid
Actividade
Ocupación	xornalista, presentadora de televisión
Familia
Cónxuxe	Manuel Campo Vidal
Pai	José Luis Fernández Lorenzo

María Fernández Rey, coñecida como María Rey, nada en Vigo o 21 de marzo de 1967,^[1] é unha xornalista e presentadora de televisión galega.

Traxectoria

Filla do veterinario e político José Luis Fernández Lorenzo, aos tres anos trasladouse coa familia a Tomiño. Licenciada en Ciencias da Información pola Universidade Complutense de Madrid comezou a traballar na emisora de Vigo da Cadena SER. Logo pasou a TVE onde dirixiu os servizos informativos do centro territorial de Madrid. Logo incorporouse ao departamento de televisión da Agencia Efe e en 1992 regresou a Antena 3 para presentar o informativo da fin de semana canda Roberto Arce e a edición diaria, con Pedro Piqueras.

En 1996 pasou a Antena 3, onde se fixo cargo da información parlamentaria. Paralelamente preside a Asociación de Periodistas Parlamentarios dende ese mesmo ano. A partir de 2012 comezou a colaborar coa edición española do Huffington Post.

Vida persoal

Está casada desde 1998 co xornalista Manuel Campo Vidal.^[2] É filla de quen chegou a ser alcalde de Tomiño José Luis Fernández Lorenzo durante máis de dúas décadas.

Galardóns

• Premio «Luis Carandell» de Xornalismo Parlamentario (2013)^[3]
• Premio Antena de Prata de TV (2019)^[4]

Notas

1. Villacastín, Rosa (2020-04-18). Diez Minutos, ed. "María Rey, el éxito de una profesional de la información seria y rigurosa" (en castelán). Consultado o 2022-01-22. 
2. BODA DE MARÍA REY Y CAMPO VIDAL
3. Administración do Senado: "IX edición del Premio «Luis Carandell» de periodismo parlamentario" (PDF). Boletín Oficial de las Cortes Generales núm. 195, de 29 de maio de 2013: 7. ISSN 2172-9794. 
4. Juan Pablo Colmenarejo y María Rey, premiados con las XXVII Antenas de Plata