Mischa Maisky

Modelo:BiografíaMischa Maisky

(2010) Editar o valor en Wikidata
Biografía
Nacemento10 de xaneiro de 1948 Editar o valor en Wikidata (76 anos)
Riga, Letonia Editar o valor en Wikidata
EducaciónConservatório de Moscovo (pt) Traducir Editar o valor en Wikidata
Actividade
Ocupaciónvioloncellista Editar o valor en Wikidata
Período de actividade1966 Editar o valor en Wikidata -
Xénero artísticoMúsica clásica Editar o valor en Wikidata
ProfesoresMstislav Rostropovich Editar o valor en Wikidata
InstrumentoVioloncello Editar o valor en Wikidata
Selo discográficoDeutsche Grammophon Editar o valor en Wikidata
Participou en
Athens Epidaurus Festival (en) Traducir Editar o valor en Wikidata
Familia
FillosSascha Maisky Editar o valor en Wikidata
Premios
Descrito pola fonteObálky knih, Editar o valor en Wikidata
Páxina webmischamaisky.com Editar o valor en Wikidata
IMDB: nm1398526 BNE: XX1299154 Spotify: 6rlVhQqS15yJMO4DZqrq6I Musicbrainz: dac3e41b-15b9-4ade-9036-8dcaf7a8857d Songkick: 372418 Discogs: 670668 Allmusic: mn0002192136 Editar o valor en Wikidata

Mischa Maisky, nado en Riga o 10 de xaneiro de 1948, é un violonchelista israelí de orixe letoa.

Traxectoria

[editar | editar a fonte]

Mischa Maisky comezou a tomar clases de violoncello aos oito anos, primeiro na Escola de Música Municipal e despois no Conservatorio de Riga. Os seus irmáns tocaban o piano e o violín respectivamente, así que a elección do violoncello foi unha decisión natural. En 1962, aos 14 anos, foise estudar ao Conservatorio de Leningrado. Un ano despois foi admitido no Conservatorio de Moscova, na clase de Mstislav Rostropovich. En 1966 acadou o sexto posto no Concurso Internacional Chaikovski en Moscova.

En 1970 foi condenado a pasar dous anos nun campo de traballo preto de Gorkii, debido seguramente a que a súa irmá se exiliara en Israel o ano anterior.[Cómpre referencia] Un amigo médico trasladouno a unha clínica psiquiátrica, xa que ese era o único xeito para escapar do seu arresto. Logo da súa posta en liberdade emigrou a Israel e trasladou despois a súa residencia a Bélxica.

En 1973 gañou o Concurso Internacional de Cello Gaspar Cassadó en Florencia. No mesmo ano debutou no Carnegie Hall coa Orquestra Sinfónica de Pittsburgh baixo a dirección de William Steinberg. Tralo concerto, un admirador anónimo regaloulle un chelo Montagnana de 1720. Por mediación de Rostropovich estudou con Gregor Piatigorsky nos Ánxeles (California). Durante catro meses tocou e falou case a diario con Piatigorsky, mentres que con Rostropovich, isto só era posible cando no estaba de xira. É pois o único violoncellista que recibiu clases de Rostropovich e Piatigorsky.

En 1982 comezou unha colaboración con Deutsche Grammophon. A primeira gravación foi o Dobre concerto para violín e violoncello de Brahms xunto a Gidon Kremer e a Filharmónica de Viena, dirixida por Leonard Bernstein. Seguiulle en 1985 unha gravación das Suites para violoncello só de Bach (das que realizou unha segunda gravacións en 1999). Dende aquela moitas das súas gravacións foron merecedoras de importantes premios internacionais, incluíndo o Grand Prix du Disque e o Record Academy Prize. En 1992 tocou por primeira vez nos Proms de Londres, e ao ano seguinte no Festival de Salzburgo xunto a Martha Argerich.

Durante a súa carreira formou tándem cos pianistas Martha Argerich e Radu Lupu, o violinista Gidon Kremer, o violista Yuri Bashmet e os directores Leonard Bernstein, Zubin Mehta, Vladimir Ashkenazy, Daniel Barenboim e Giuseppe Sinopoli. Tocou en escenarios de todo o mundo e realizou centos de gravacións.